Oct 26 – ANIN TAMBEDLANGTE; LAKUDLANGTE DO ABLULANGTE!

“Hen tambedtai; u u, Hen lakudtai do d’ong-ben ablutai” (Jisaya 46:4).

Kitungan Lakudlangte yangan ambrij. Anin tambedlangte Uan ambrij. Buhangan ambrij, Anin manglendle dakute do ablulangten. Kunina ate Anin jzbjzbaite, ‘Namitan sikoija Hen sagallaben do Hen tambedlaben, Lakudle do ablulaben.’

Kan ate Kitungan na gardieten d’ongben do yangben akampunglen (Jisaya 44:2). Kitungan gamete, “E Jakub a tega do Israel a talna birinda, Karudkudan saring Hen batte lanakkudan delen do yangan a darakkuon saring Hen batte panangpangan delen a birinda, mangba-Hen daludba. Talaiba ayam-ben sikkoi ja Hen na Anin, do baubob u’u-ben sikkoi ja Hen na d’ong-ben sagaltai; Hen gabdellai do Hen tambedtai; u u, Hen lakudtai do d’ong-ben ablutai” (Jisaya 46:3,4).

Hen oblenben apsele itsumtai aboi sitromar agabdeleten ate. kun sitro-lingan aboi janaban daku do badloyim-maranji amandrengna abmele. Kun sitro-lingan itente dele badloyim-maran amandrengna-ling kun abmele gadlamlangten. Kun batte okij aboi ataljingan titte daku do galamtabe Kitungan do badloyim maran bagunji ahalinanji ate.

Kun sitro-lingan angante ganijgijan dele kuddub manengba bagu mandranji ataljin daku bindo badyim-maran kanalkal-lingan adakule adnang ate adgijted. Edanan batte gamete, “E Kitung, hen angante kanalkal-lingan dakule aman hen ampara adakulampo. Aman ansoihen omdrenglih.” Kitungan adyerberle, “Tanimhimdam Onhen, Hen d’ong-nam lakkudlam kappardaling-Hen kun ayam-ling, ataljing-nam aman adrabange titte. Titte adaku ataljing Hen ate aman kapparda-ling-Hen agobgob dakulam.”

Enegoi Kitungan asagallaiten ate daku. kan ambrij jajzngante adnang Kitungan lakkudaiten, lakudle abluaite. Aringring-lingan angante Kitungan Israel maranji a d’ong tagorle, engale raja ontidan aonanji a d’ong arengen-lingan dakule urungte kun ambrij Kitungle bakurdi mihnum sikoija tagorretenji. Nami janang, Anin sagalle absittale tagorlangte.

Iten lumte gupamaran as’idlen amurkundarnagan ayangte adnang? Anin aengdungben asan anordin adtiye kun batte atagoran adnadorde. Kan ambrij, a kapparda-lingan dakule tanimhiman batte tagorlangten. Kan ambrij angante sagallangte, murkundarnang aluba atodan dakute. Murkundarngba gupamaran adarmad gijgijle dakute. Kan ambrij gupa maran do murkundarangji dakutenji. Tanahimdam Kitungan a onagji, dile tordong ogandile gijba Kitungan d’ongben sagalte do abgugule senba.

Kinolbe absele: “Engale u’an a passijanji a d’ong asuyemte, ettele bute bute Gamangtungan a d’ong bantongteji, aninji a d’ong Anin asuyemte” (Sanenken 103:13).