Oct 24 – DEVAJ APANER SAATH RATHO!

Nevukareval Nayaker Grandh 6:13″… Yehovaj hamar saath Ridovatho yesseji kai vasu chalacha? “Dever vachanema masaj jaag  “lapan ” Kajako vathen dekacha. Yee vaath chenijen soch karena, yen karan kai viye kan, ajji thodsek jaag bharvas deriju dekancha.

(Romavalun 8:31) vachanema padacha Devaj apaner vasu ridovatho. .. (Ginthir Grandh  14:8 )vachanema padacha Devaj apanemathi pasand vatho… (Nevukareval Nayaker Grandh 6:13) vachanema padacha Devaj apaner sath ratho… Apostle Paul ‘Devaj apaner vasu ridovatho’ kerojema kathra achamkalar ashisher vaath kunika.

Devaj apaner sath ratho apaner vairivo apanen kaikariye? Ketho ajji mundag jaan Daveed maharaj kerocha (Geeder Grandh 3:6) Devaj mar sath ratho maar dhveshithi gheran 10 hajarer malavo avathoi ma chamkuni ko.

(Habakkuk 3:17, 18) Habakkuk kacha Devaj apaner sath ratho, gurler jhad phool nadathoi, anjurer jhaad phal nadathoi, volivar jhad kaap nadathoi, khethemar panta pair na pachathoi, doddima gorli narathoi, kotakama gavadi narathoi. Ma Yehova maj anand pavunchu. Maro rakshanan adharam chajako Devema ma santhosh pavunchu. Hanoj Gideon sada soch karroch( Nevukareval Nayaker Grandh 6:13)

“… Yehovaj hamar saath Ridovatho yesseji kai vasu chalacha? ” Dev (Agadiyar Grandh 28:15) vachanema kerocha ‘ Yidek Ma thamar sath ren, tham javajako se jagema thon jathan karan yeej Deshen paran hoto lavunchu. Ma thathi kojako vathen puro karajethanu thon choduni ko’. Ajjek jaag ( Vimochaner Grandh 33:14) vachanema Dev kacha ‘Maar prasannatha thar saath avacha. Ma thona visranthin devunchu’. (Deemo Vupadesher Grandh 20:1)

Thu thar vairee vumper  Yuddhamen javajanna votha ghoder rathamevuna, thathin jada janner malaven dekhajanna thu  kai chamakmath. Thona Aigupthemathi bhar layo jako tharo Dev Yehova thar sath racha. Ajji dekhatho (Yesaya 43:2) thu panima padan datan javajana ma thar saath revunchu nandiperethi langan javajana vu thar vumper porlan jayeni. Thu angarer vacha chalan javathoi thu baleseni, vor hola sada thon baleni.

Mar premer Dever beptavo Dev hamesha thamar sath racha. Thu katha javathoi thar laar avachakan kannai bhool math. Ma thar sath ruchu kethani sogan khadojako Dever vathen namman Deven sthuthi karukarnu.

Ajji jada dhyan karen pado Mathai 28:20 Ma thamena agna dinojena sry vo manlaju vunden sikhavo;yidek jagathi budajethanu hamesha thamar sath ma runchu kan ko.