Oct 25 – ABBETHANU ANN ABBA YETHETHI

1 Samuel 7:12 Janna Samuel yek bhatan padan Mispanan Shenuner vacha hubadan- abbethanu Yehova Dev apanen sahaya kidokethanu vona EBENEZER kan naam melnako.

Abbethanu Dev thon sahayam karajroch. Abbethanu Dev Vor krupana thar vumper dekalajroch. Sameli vor nankya samelivuna jathanethi pakodaper paldaju Yesu Dev thon jathanethi  siluvar pakodama burlacha. Jethi Mar premer Dever beptavo thamar dall dhanyavaadethi bharajavnu.

Samuel Bhakthidar sada ghano khushithi Deven sthuthi karan aradhana kare saru dall bharagi. Janna Samuel yek bhatan padan Mispanan Shenuner vacha hubadan- abbethanu Yehova Dev apanen sahaya kidokethanu vona EBENEZER kan naam melnako. Vu Ebenezer naam abbethanu Dever naamema yek naam vegich. Yee vathen “sahayam karevalo Dev” Kan artham cha.

Kanna thu abbethanu sahayam kidojako Dev ken kechiko atho ajji avajako daadema sada Ebenezer nai vetho jako Dev Immanuel Dever nai sada rethanu chalavacha.

Daveed raaj Deven Ebenezer nai ann Immanueler nai acho malam karmeloch. Jethij 2 Samuel 7:18, 19 vachanema kacha, . .. Maro Dev manna Thu athra jada vuncho paden ma kavadako? Mar katmalo kavdik?   Maro Dev Yehova athra vuncho padojako sen thar nazarema kamven, manikyar  hevar vodithi masaj dadepacha Tharo bayar valaden kai chalajen kemelochi.

Daveed ,raaj vojer pacha sada  Ebenezer Deven kan kannai bhool naju sthuthi kido. Vu Dev ku gorlin chararo jana gollavariyar nai vetho;ajji gorlin chararo jana Dev ku sinkosethin,kaldithi ann Goliathethi chodayoko; yesseji ma Dev Daveedena jayamer vatema chalayo. Athraj koni Daveed ,Dev manna ajji avajako dadema sada chalavachkan viswas kido. Yesejima Daveed raaj ghano khushithi Dev kidojako mahimar kamer vodithi sthuthi kido.

Maar premer Dever beptavo thona sada vuj Dev abbethanu chalayo , ann Vu Devaj ajji mundag sada chalavacha, kankren katho thu Vu saso Dever beta ven chije gali.

Ajji jada dhyan karen pado Agadiyar Grandh 32:10 Thu tharo sevakarevalen kidojako heryek vupakaramer gali  Thar seji sathena ma kaamdunijako chu. Kukan katho mar hathemar lakadityij yee Yordhanen datecha. Abba ham dee gumpu vemelecha.