No products in the cart.
Oct 23 – JUNO ADMI ANN NAVVO ADMI
elimchurchgospelColossivalun 3:10 Vona banayojer sayaar nai puro generval vena, navvo vojako navvo sayaana permelechoni.
Dud avajako jhadeper nankya nankya purpunchyar dakal rajako seji chodan duden pithanu mot ven masaj dader pacha yek sunderanga rajako ach pundirnai thayar vajen dekancha.
Yee srushti ma apaner jeevano sada yekkaj, lapan yee jeevano dee vodithi racha vu purpunchyar jeevaner nai ann sunderanga rajako ach pundir jeevaner nai revacha. Hanoj juno admin ann paran pedavojako navvo admin yek viswasir jeevanema sada dekeja.
Yetha thu juno admi Adamer nai rechika nathkan navvo srushti karevalo Christhur mai rechika kajako Romavalun 6 hasso, Ephesivalun 4 hasso ann Colossivalun 3 hasso mathi 3 patamevun seekan malamkarla.
1 . Romavalun 6:6 Prakar Juno admi siluva ghalajavnu. Yee srushti ma Adamaj juno admi vor jeevano sari paapethi bararich. Athoi siluva ghalajavnu katho artham juno jeevanema kidojako sey ballan maap puchan siluvar dai ayeroj. 1 Yohan 1:7 vachan kacha Thar sey paapen Yesu christhu Vor siluvaper penaken thon Vor loyeethi dhonakoch.
2.Colossivalun 3:9 Prakar Juno admi seni chonaknu. Vachan kacha juno admin vor juno kaamen seni chonaknu. Kuvatho yek sundaranaga rajako ach pundi vor pupa dashama vor balla kamen yekloj chonakaju. Gojako jeevanema rajako kidar swabhavamena chonaken navvo srushti nai vuncho vodan javacha. Hanoj thu sada sarva shakti maan chajako Dever chalanima thu thar juno jeevanen chonaken navvo jeevaner nai vodan avanu.
- Ephesivalun 4:24 Prakar Navvo admir nai banchanu. Yek admi juno jeevanen chonaken navvo srushti karevalo Christhuper bharavas melnu. Christhur dalla thar jeevanema revaju banchanu. Atho thu Christhur Jorethi mundag jayeja. Vachanema dekhaju, Ephesivalun 4:24 Saaso niyatheman, pavithreman Dever sayaama srushti vojako navvo manikyana perlo.
Ajji jada dhyan karen pado Ephesivalun 3:15-19 Apaner Prabhu Yesu Christhur Baaper Aanga ma godi vaalan… Dever soli bharpoorethi bharayena, Vu Vor mahimar savukar paner nai thamen daya dakalnu kan araj karunchu.