Oct 22 – MAHIMATHI ANN GHANATHATHI

Hebrivalun 2:9 Athoi Dever krupathi heryek manikya vaasi mothen savaad dekhena, Dever sojathinni thodsek halko vojako Yesu, mother velana paldo jethi mahimaathin, ghanathathi kiritana peraldo jena dekacha.

Siluvaper Yesu bapu maranena savad kido, thatta karayojako ann marakhadojako athraj koni lapan Vor beptavun assa seyji velamathi chodayevasu Yesu Dev maranenaj savad karnako.

Yek moto saavkar vetho, vu saavakar kan malken sejini malam vethi. Yek raath vu sutho janna Dev dikathani sapnema hano ko, “savaar Parabhathi 6 ghantan yek moto saavkar marjavacha”. Yee vathen saamalan vu vor gharevalin votadan dhujtho dhujtho sapnema Dev kojako samlojen ko”savaar Parabhathi 6 ghantan yek moto saavkar marjavacha”. Von vor gharevali thon ayijako sapno vu saasi veni gachab sojo ki. Lapan yee savakaren neend aayikoni jana mot mot vaidyam karevalen balan dekhalo tho vo vaidyik hano key thar dall hachethi cha, thon kunsi rog cheni thu kerivasu ghabrayer avasyam cheni gachab sojo ke. Athoi yee rotho rotho parabhathi 6 ghanta kanna avachko? ma ku marjavunchuko? kan von neendaj ayee koni.

Parabhathi 6 ghantan vor gharema kaam karevalo moto admi ann pavitharethi banchevalo athani hano ko , yajamaan, “mar moto Dev manna balarocha, maa janavunchu “. Kethanu vor vachaneper soyen go jannaj vor jeev voremathi dagargi.

Yen samlan ditto jako yee savakar keleroch, arrey ma moto savakar kan sari malkenaj malam. Athoi maar het kaam karevalo Dever najarema moto savakar vencha jethij Dev maar mundagaj von legoch ken haacho sochkaran vu sada saaso Dev Yesuma rakshan paldo.

Mar premer Dever beptavo tham yee dharthiper pisa cheniju, padekonthiju bancharecho kaiko lapan Dev thon mot savkarer nai dekhan Vor sashvithanga rer ashishen den hamesha thayar ven cha kan herde mella.

Ajji jada dhyan karen pado 1 Corithivalun 15:57 ..Apaner Prabhu Yesu Christhu thi apanena jeeth devalo Deven sthuthi veda