Oct 21 – NANKYA BALA ANN MOTO MANIKYA

1Corinthivalun 13:11 Ma balar nai rujana balar nai vathey kido;balar nai chalo;balar nai soskido; pan ma moto vojana baalker kaamen choddhino.

Balar nai chalero ann moto Manikyar nai chalero ghano vyathyas racha. Thu nankya vetho jana balar nai kido jako chestavuthi jagema seni pasand viye kaiko lapan vuj chestal moto vojanan sada karukaratho jagema keni acho lagesni.

Vachanema Paul kaju ,”Ma balar nai rujana balar nai vathey kido;balar nai chalo;balar nai soskido; pan ma moto vojana baalker kaamen choddhino”. (1Corithivlun 13:11).

Padero ann vutero kajako Nankya balar nai chajako kun rathoi chalerona mamulga vevukaracha. Chaler cheejevun jallen ann godan jallen nankya chochar vunen ku yista vachko hano chalajen dekancha. Vuj mot manikya ven chalajana padan vutu karatho dekevaal yen kaivegoch kan soskaracha. Hiner daakalaj thu agadiyar athmik jeevanema padjavathoi parvakoni lapan athmikanga voddan sada padjarochi katho Dev thon denkan badha karenike?

Thu nankya balar nai rajana bala dakalaj vathey karnu, ann kanna thu mot manikya vegochiko janna jathanethin, genethin, sanmanethi vathey karnu lagach kan herdey mellenu.

Dever vachan kacha (Hebrivalun 5:13-14) Dood piyevaal heryek balarnai chajethi, niyather vathema heva cheniju cha. Pan jorer khaano, acho balla kunsokan Seekhwadithi valakena, himmath karajako puro vaddojako genina chajacha.

Thu athra varser christhuvalo rasthoi ajji nankya balar nai soch karrochike? Nankya bala kai asa karach malam ka? Maar baap manna khayen kai layeken ghasan dekhukaracha. Atha yee balan Vor baap kai karrocha, kunas kaam karrocha ,kathra moto cha kajako yessejini soch kareni.

Athmik vodithi Dev dajako athmik ashish ghano mot vencha thoi masaj manikya yee loker asaamaj pasaan rethanu Dever saam dekheni. Mar premer Dever beptavo ,tham Christhur saath jeevyayevatho Christhu Dever jamman pakthima betojer vuperer dhoondo (Colossivalun 3:1)

Ajji jada dhyan karen pado Ephesivalun 4:15 Premethi sathena vaathe karan, apan sey khabarema maatho chajako christhuma vaddena hanu kidocha.