Oct 20 – Adot aru niom!

Acts 16:13 sabbath dinte amikhan nogor pora ulai kene nodi kinar phine jaishe itu bhabi kene tate jew jati laga manu khan prathana koribole nimite joma hoishe. Amikhan tate bohi kene maiki khan joma hoi kene thakia jagate kotha koise.

Ekta nodi kinar jaga hi paul nimite pprathana kura laga jaga thakishe. bishi manu poilai kene itu jag ate hi ahe. Tai khan tate aha tu hoile nijor laga dukhkhan ke lloi kene ahe shanti pabole nimite. Toh paul pora itu jaga tu khali prathana kura laga ekla nahoi kene prachar kora laga jaga bi banaishe.

Luke 4:16  te dikhi pai ki Sabbath din te Jisu tu synagogue te ja laga niom tu mane. Luke 22:39 tai aru hodai din tai mount olives  te bi prathana kuribole jai thake. Acts 10:30 tai aru hodai din bhal kam biu kuri kene berai manukhan ke aru bimar bi changai kuri thake.

Itu ekta kam ke amikhan amikhanlaga adot aru niom bonabole tu ami khan laga uporte hi ase. Jitya itu amikhan adot hisab pora kuri thakibo,itu hi amikhan laga nionm bani jai. Itu karone manu khan tu jani kene biya kam khan hodai kori thake adot banai kene aru koi ki itu hi ami khan laga niom hoi jaishe.

Amikhan laga deshte bishi biya kam khan dikhipai jinika mudu kha, bishi dhar loa, aru manukhan laga galti bisara, chugli mara, manu khan laga  kotha lukai kene huna, manu ke niche dikha aru misa kotha kua aru inika hi bishi, itu adot khan pora hi biya homoi ani diye.

Toh apuni khan bi bhal adot banabo lage. Phujor te joldi uthi kene gana kura aru Isor laga naam uncha kura bi ekta bhal adot ase. Judi itu apuni khan adot banai, homoi jai thaki kene itu hi apuni khan laga niom bani jabo aru apuni kote jaile bi kote thakile itu hi kuribo. Itu niom pora hi apuni ke pobitro hua laga rasta dikhabo. Kunuba man utu hoile pobitro kotha ke pora laga niom banai. Inika khan kiman bi bhal adot ase.

Hobole dibi Sunday laga service te bhag loa tu apuni laga ekta niom. Hobole dibi tithe aru daan diya Isor ke apuni laga niom. Isor laga gawahi  dya hi apunilga niom hobole dibi. Judi itu khan ke apuni laga adot banai juan thaka homoi te hi titya apuni bi hodai din laga jibon swarg te dikhibo paribo.

Satan pora hi biya adot khan ugai ase manu khan laga jibon te. Paul likhishe, Ephesians 2:2 utu homoi te apuni khan itu prithibi laga biya rasta te jaishile; apuni khan haw ate thakia atma khan ke cholai  thakia raja khan laga kotha mani kene thakisile, jun itya bi Isor laga kotha namania manukhan ke cholai thake. Oh Isor laga bacha khan apuni khan bi bhal adot khan hi apuni laga niom banabi aru hodai din jitya laga mjibon thakibi.

Aji bhabna kuribole laga pobitro kotha tu hoile Ephesians 2:6 Krista logote milai kene ami khan ke tai logote arubi uthai kene swarg laga desh ke cholabole dishe.