Oct 19 – Ekta kosom aru Notun jibon!

Acts 2:1 jisu akashte ja ponchas din pichete, sob biswasi manu khan ekta kotha te ekta jagate joma hoishe.

Poila laga din te apostle khan laga homoi te bishi dngor purno jibodan (revival) thake, inika homoi te pobitro atma pora ahi kene chui, itu homoi te bishi atma ke bachai diya laga hmoi thakishe. itu laga karon tu hoile taikhan ekota thakishe. pobitro kotha te koi tate tin harzar atma ke bachai she jitya Peter pora prochar kurishe. (acts 2:41)

Apuni khan jane inika bachai dibo para laga ki raaz ase. Acts 2:14titia peter egharota chela khan logote uthi kene khara hoishe aru tate thakia sob manu khan ke bishi jor pora koishe, sob Jew manu khan aru jun khan Jerusalem te thakishe, ami laga kotah hunibi aru aru ami apuni ke koi dibo itu laga ki motlob ase.

Hoi itu laga karon tu hoile egharota chela khan peter logote thaka karone ase. Peter hi prachar kure aru egharota adha khan tu prathana te modot diye ekota hoi kene. Aru itu pora hi taikhan ke atma jijti bole diye.

Kile aji kali purno jibodan ami khan laga majote nai? kile atma ke bisara aji kali amikhan laga ministry te nai? kile ami khan judho khan tu jitibole napare? Kile Isor tu kam kuribole napare tai laga chela khan uporte? John 17:22ami taikhan ke utu Shakti diase juntu apuni amike dise, inika pora taikhan ekta hoi jabo jineka ami aru apuni ekta ase.

Hoi ami khan sob swarg te tu ekota hoi kene hi thakibo. Apuni khan ke Isor laga prathana pora ashirbad kuribo Matthew 6:10 apuni laga rajyo ahibo. Apuni laga icha hobo prithibi te jine swarg te ase.

Bishi saman khan pora hi music progammes khan te cholai. Hoilebi inika concert kora manu pora sob dhun music laga milai kene hi ekta bhal gana banai. Itu milai diya music laga dhun pora hi hunibole iman bhal ki amikhan laga mon chui diye, aru amikhan ke khushi kure.itu  nishina hi hoi kiman gau laga alag alag bhag khan ase ji pora alag alag kam khan kure, hoilebi itu kam ke kuribole amikhan laga gau tu ekota hoi kene kam kure.

Oh Isor laga bacha khan, apuni khan bi dangor kam Isor karone kure, apuni khan bi Isor logote ekota hoi kene hi thakibo lagibo tai laga bacha hoi kene. Hoi dai din ekota ke bachai kene rakhibi. Kitya bi alag ke itu ekota laga jaga nadibi. Hodai din ekota ke dhuri kene rakhibi.

Aji bhabona kuribole laga pobitro kotha  tu hoile Phillipians 2:2 itu nimite ami apuni ke koiase ami ke khusi kuribole nimite iki nisina morom monte aru atma te loi kene thakibi.