Oct 19 – HAROBHARO JEEVANO

Yohan 10:10 Chor chorenan, marnakenan, hall karena avacha pan, dusaro kunsivaasi ayeni;pan Ma gorlin jaan denan, vu bharpoor vena ayo.

Aaj dee tharar mot jor yeken yek samu cheniju kaam karrich. Voma yek Dever jor ann sataner jor. Vachanam Satan yek moto chor ken kacha. Yesu Christhu kacha, Yohan 10:10 Chor chorenan, marnakenan, hall kare na avacha pan, dusaro kunsivaasi ayeni.

Masaj varser heta Australia deshema ghano jorethi sevakarevalo yek sevak vetho. Atho vo deshema khamer hathayenijathra  ghano moto rog aaythi. Vothi masthu admi marge. Vo rogen aushadhi malikoni jethi doctor sada haath panakey.

Vunema  40 admivo  vo rogethi margethe voseji yee pastorer church viswasivoj. Jana vu pastorer  dall ghano thudgi jethi vu hano Deven ko, Dev Thu sasij maar viswasivun sejini marnakechike? Thu kankren hano karrochi?.

Jaanaj Pavithar Athma vona hano ko, (Apostler kaam 10:38) Yesu Dev paramen gochkatho acho kaam karenaj , ann Vu ghanen varu karan sataner jalemathi chodayoch. (Yohan 10:10) Ma gorlin jaan denan, vu bharpoor vena ayo koch lapan marnaken koni.

Janna vo pastorer anki vugadi jethi Atmathi bharan saramethi vuncho vutan sathanethi ladayi maren thayyar vego. Maranen Jeethojako Yesur soganer vathen hathema jallen reesethi satanen harayen hubargo.

Vuj jorethi sevak prarthana kidojanna vu rog kamvethi ayijen dito. Hey Satan thon kunas hakkam cha maar sabhar viswasivun choren katho? Sabhama chajako viswasivun seni Christhur angarer jaalema layo. Viswasivo sada jayamethi Dever soganer vathen pakalden prarthana ma ghat vegey. Janaj marnakerijako vu roger jor kam vethi ayee.

Thu thar jeevanena chajako rogdokken, balaheenamena, garib panen dekhan thakk jomath, hineymathi Deven thatta karmath. Soganer vathethi Dever viswas kajako dalen jallenu, janaj balrijako lakadisarik chajako ballan seni volanakeja. Mar premer Dever beptavo thu chamakmath thar vacha soli jor chajako Dev hubarmeloch. Yesu Dev vor jeeven danam karan thona bharpoor jeevano den ameloch kan kannai bhoolmath.

Ajji jada dyan karen pado Geeder Grandh 91:3 Vu thona yedo karevaler phamsithin, motheyr rogethi thona chodavacha.