Oct 17 – Pobitro duth aru bhal gau!

John 5:4 kile koile olop homoi piche piche Isor laga ekta duth jai kene utu pani ke hilai thake. Bimar thaki amanu jun poila utu pani ke chubo tai hi ji bimar thakilebi bhal hoi jabo.

Bethesda laga bishi khas kotha ki thaishe koile tate achurit kam khan hoi thakishe. jitya bi duth khan niche te jai kene pani ke hilai diye, sobse poila manu jun itu pani te ghushibo bimar thaki kene, tai achurit pora gau bhal hoi kene ulai.

Bethesda naam laga motlob hi daya kura laga ghor ase. Itu morom tu duth khan pora hi janai dishe. Judi itu duth khan bishi morom thakishe koile tu aru bi bishi manu ekbar pora hi bhal hoi jabole thakishe. hoilebi kiman deri tok itu duth tu ahi kene pani tu hodai hilai thakibole thakishe?

hoi tai Jisu Krista ahi kene krus te namura tok pani tu hilai thakibole thakishe. kle koile Jitya Jisu jonom hoishe tai isor laga ashirbad tu loi kene ahishe jitu pora ami khan laga sob bimar atma aru gau laga tai hi bhal kuribole paribo, itu karone itu Bethesda laga achurit kam khan kura tu khotom hoi jaishe Jisu aha pichete. Aru itu kam karone aru duth bi ahi kene hodai pani hilai thakibo nalage.

Gilead te Balm thaka tu jitu ami khan Jisu laga khun koi kene jani pai, apuni khan logote ahe jitya apuni khan krus te apuni laga dukh homoi te Biswas kuri kene sai. Itu pora hi apuni laga komjuri aru bimar khan sob bhal kuri dibo. Jisu laga jokhom khan pora hi apuni khan ke chui kene hi bhal kuri dibo.

Itu karone apuni hodai polai kene inika hi apuni laga jibon laga Bethesda te jai kene rukhi thakibo nalage bimar bhal kuribo karone. Jisu pora khali apuni laga pap loi kene krus te janai, tai apuni laga bimar aru gau biya khan bi sob loi jaishe. Ami khan laga Isor tai ase jun changai kure. (Exodus 15:26). Pobitro kotha te koi Exodus 23:25 apuni khan khali amike, apuni khan laga Isor Jehovah ke hi puja kuri kene thakise koile,ami apuni khan ke bhal kaha loa aru pani di kene bhal pora rakhibo aru apuni khan laga sob bimar khan ke hatai dibo. Matthew 8:17 inika ppora prophet Isaiah ki koise itu hosa hoise, ‘ tai ami khan laga sob bimar khan loi loise, aru ami khan laga /bukhar nije bukise.

Oh Isor laga bacha khan, Isor tu bishi dhon ase daya aru maph te aru changai dibole. Tai ke itya pora hi sai lobi. Sob apuni laga komjuri khan aru bimar khan harai jabo jinika borph khan suraj laga ujala te harai jai.

Aji bhabna kuribole laga pobitro kotha tu hoile, Malachi 4:2 hoilebi jun manukhan ami laga kotha mani kene thakishe suraj uthia nisina ami laga bachai diya tagot apuni khan uporte uthiibo aru utu ujala pora apuni khan laga sob jokhom khan suraj laga ujala nisina bhal hoijabo.