Oct 17 – SOJA ANN DEV DAJAKO AROGYA

Yohan 5:4 Kassen katho- Vu vu vagathema yek Dever Soja, vu kundema vutharan panin halava;paani halavajer pacha, kun agadiya vuthrachako vu kasseko dokkevalo rathoi varuvejavacha.

Bethestha kajako kundema kelenujako kaikatho achamkala kaam chaleroj. vu vagathema yek Dever Soja, vu kundema vutharan panin halava;paani halavajer pacha, kun agadiya vuthrachako vu kasseko dokkevalo rathoi varuvejavacha.

Bethestha kajako vather  ‘ karunan dekaler ghar’ ken artham. Vu karuna Dever soja vodithi malamvich. Vu sojan ajji jada karuna ridiviyekela ajji jada admin varu vethi kaiko.

Atho kathra daad vu soja hano kariye? Sasij Yesu Dev siluvaper marajethanu hano kariye kaiko. Apaner seji rogdokken Yesu baapu Vor siluvaper panakoch. Yesu khado jako chotemathi hapaner rogen seni kanaker athra jor chajakoken vona Bethesda dai dekaloju dekhacha. Atho vu soja kanai panin halayer kaam kerer vethikoni.

Yesu Christhur ghavethi thona avajako rogdokkema vaaru ver vaat vagadoch chaken malam karla.

Abba thu Bethesdar kundema jaan khuder  ann votha ghasan rer avashyak cheni. Yesu Christhu thar paapen padojethij thamgo koni lapan  thar rogdokken sada siluvaper padan phenakoch ken bhoolmath. (Vimochaner Grandh 15:26) vachanema Apner Dev varu karevalo cha. Vuj Vimochaner Grandh 23:5 vachanema kacha , Ma thar baatinan panin ashish karunchu ann thar vachethi rogen kanakuchu ko. Ajji Mathai 8:17 vachanema sada kacha Vor Vuj apaner kamjoren pallen, Apner dokkena khamlidokan Bhakthidar Yeshayathi kojako vaath puro vena yer nai chali.

Maar premer Dever beptavo thadako marajana hasso mayam vaju, thu Yesu Dever sam dekhastho thar kamjoren ann rogen sejini mayam karnakacha.

Ajji jada dhyan karen pado Malachi 4:2 Athoi MAR namema Bhakthidar chajako ser vumper niyather suryar vajalo avacha. Vor pakodamathi arogyam dacha.