Oct 17 – PISIRDIAN DO KITUNGDAGE SANAMANGAN!

“Iten asan gamlenden anga anga bo ruang pisirdian banda lingan latsoan latsole d’an abgutsureten; Anten asan d’an a ganutsuran a tiki butente abmangan d’a lingan ganeten, anin a ite janab rugaman dele janang den kun saring sanamangan hangeten” (Jon 5:4).

Titne agijtaben aberna Betesdan lingan adele a rumangbaran. Angante pasirdianji lapsole kun d’an jable adnang butente kun ayam gante anin sanamangan yangte abmang ayirte amandra.

‘Betesdan’ gamlenden ‘Sanayaman a s’in.’ Kun sanayaman pasirdianji batte anabpungge dele. Bogad kun pisirdian yirle ateng kun d’a-lingan jablenden, ateng mandranji pedeben kun d’an saring sanayaman hangtejiben.

Jajzn ayam sikoija kun pisirdian lumle dakuten? U’u. Anin Jisu Kristun amandrengna arakadang-lingan atiyte sikoija lumle dakunaben deleben. Kuddub ersamangleji do bzmbzmlenji arakadan lingan Jisu Kristun soile sidle. Anin ranaptidam dakule bzmbzmlenji do asulenji absamangben asan, Betesdan saring kun ate dele. Titne pisirdian janang sanaisaited jable adakunaben ate.

Gilead a regaman, gamlenden Kristun amihaman, er tu’ul-lingan do er samang-lingan adakutenan adnang amben angante kalobori-lingan lanankaban agijgijte. Kun batte amben sanamang rugambenji do bzmbzmben saring ahangte. Jisu Kristun d’ongben jabte do sanamang tiybenten.

Anten asan, amben adrijdongne Betesdan a bandaba do kun adena abmele omdele dakunaba. Jisu Kristun adkadapnad pintulenji jijilen arakadang-lingan. Anin rugamleji do bzmbzmleji kun arakadang-lingan soile sidle. Kitungle ayengan a Gamangtungan d’ong absamangte (Hanagod 15:26). Bibolan gamte, “Ambendaman a ​Gamang Kitung-ben a d’ong gankilba, etteden Anin d’ong-ben ganaga-janumjum-ling-ben absittate do mangba-ben saring banzmbzm rugaman absangaite” (Hanagod 23:25). “Anin banzm-bzm-lenji pangeten, do rugam-lenji tambedeten” (Mattiu 8:17).

Tanahimdam Kitungan a onagji, Kitungle sanayam-lingan gamangdam do Kitungdage sanamang-lingan ja. Namina amangban gijgijba. Eteden kuddub er tu’ulben do rugamanji namina sagaite.

Kinolbe absele: “Bindo mang-ling-ben bute bute ahim-Hen bangtongteji, amben apsele ranoitadan a uyungan dungte, do Anin a reneng lingan sanamangan daku” (Malaki 4:2)