Oct 16 – VISWASAMETHI DEV DAJAKO AROGYA

Yakob 5:15 Jana viswaser araj dokyana rakshan karacha;Prabhu vona vadacha;vu paap kidovatho vu vona maap vacha.

Christhuvalur jeevanema viswas kajako her yek aduguma ghano avashayam vencha, vo Viswasmethij Dever bharpur ashish payeja.

Dev Vor beptavo kannai acho phelavnu ann arogyamethi renu kelach. Dokha devalo satan kannai rogena,dokhena kamjoren lavukaracha. (Yohan 10:10) Vachan kacha chor chorenan, marnakenan, haal karen avacha pan, dosaro kunsi vaasi ayeni;pan Ma gorlina jaan denan, vu bharpur vena aayo.

Yesu yee dharthin ayojako jaan denan vu bharpur vena aayoch ken dekhancha. Vuj thona varu karan Christhur jeevanema hamesha arogyamethi revaju banchadacha. Kun varuchejako prarthana karatho Dev vor arajen samalan vor viswaser vodithi vaaru karacha.

Thar rogdokka vaaru venu katho  thu kai viswas karnu malam key?Yesu Christhu thar paapen athraj koni maap karero lapan thar rogdokken sada vaaru karacha ken malamkarla.Apaner rogdokken varu karuchu ken  kararethi kemelojako vaathen bhoolmath. (Vimochaner Grandh 15:26)vachanema Dev sogan khadoju Aigupthema ayeejako kunsi rogen aayeduni; thona varu karevalo Yohova maaj. Christhu Vor siluvaper khaman kanakoch.

Yesu Christhu thar saru marakhadoch jethi thu viswasmethi Dever saam dekhan hano kenu, ‘ Maaro Dev Thu mar rogen siluvaper padokonikey? , maar kamjoren paldido konikey! Atho manna acho arogyam da’. Dev kidojako nankis vath sada haalvikonthi jervasaj thon bharpur arogyam dacha.

Apostler Paul Lusthra kajako sharema Dever vathen kerojana yek manikaya yadir petemathij taangema jorcheniju pedavemelo jako ghano asathi samalrotho. Paul von dekhan varu venukajko asa von chajethi vor daayi jathani, (Apostler kaam 14:8-10)vachanema chaju thu vutan hubar kojanna vu vutan chalo.

Yek Dever sevakenaj yek manikyama varu venu kajako asa chajen dito. Vorema chajako viswasamaj vona varu karich. Asso Viswasmethij Dev dajako arogyam. Mar premer Dever beptavo thu viswas kar Dever achamkalar kaam dekechi.

Ajji jada dhyan karen pado 1 Yohan 1:1 Dharagadiyathi rajakon, ham samalejakon, hamar ankithi dito jakon, ham jathanethi dekan-hamar hathethi chepejako jeever vaathervadi thamena malamkaracha.