Oct 15 – DERNA DO JANAB-BABAN!

“Butente mang-ling-Hen derten, engale anidan daku, manan, ‘Anin a l’ungan saring am’eng d’an alonji jorodte.’ Bindo ayengan a Janggarda Anin amang lingan a derten a mandranji hangteji, kan abmele Anin berneten” (Jon 7:38, 39).

Angante dernan batte aomdete “Kristun d’ongben jababte. Anin egajanang jababtih gamle”, Kitungan Marid Janggardan batte jababtaben. Kitungan na Janggardan gamle dernaben dete. Janardi-lingan dernaben dete gamlenden ‘Anin mangba-hen yirtai do hanghangtih, Anin hanghangle, sabyemle janardi-lingan tangortih.’

Angante amben aderten, Marid Janggardan aboi mandrengna Jordan mang-ling-hen yirtai gamle. Kristu mandrengna agaja adkadabne anablu do tabubdan batte. Etigoi, amben janang Marid Janggardan batte janababan deadele Kitung-lingan hanaben dete.

Angante anappai Pol Episi ahangnamaranji a d’ong u’ale aninji Marid Janggardan hangleji orde idja angante aninji derlingji adnang, “Bar aninji anin a d’ong opungleji, “Marid Janggardan daku orde ijja antate janang anlen er amdang.” Bar Pol aninji a d’ong a s’in batte jabboblen adnang, Marid Janggardan aninji amang linganji iyaiten duine, do aninji bzgarda sarrangan batte bar tungmadgijberan opungleji” (Anappai 19:2, 6).

Marid Janggardan sanaisai dernalen amarangben asan awrloge. Ateng mandranji derna-lingan dakuteji bindo aninji ad-dernaji Marid Janggardan ajanabbob-ling. Jajzngante a mandrangji gamteji anlen tabubdan ayam-ling Janabboban ahanglai. Bogad kun ate delenden, titne anappai Pol a ualeten ate adsangen mahih dete bindo adelen asan Anin ualetenji.

Gijba Kitunglen Tanimhim U’alen gamle gamtaben derna madlen batte. Anlen gijtaben Anin itente gamle do abojoraite. Anlen bangsa U’a-an ambrij egale apasijangji a d’ong atiyten kuddub sanaisajangji.

Jisun Gameten, “Anten asan amben pansardige a dele janang den yante gamle on-benji a d’ong bangsa bangsa taniytiyan a tiyben bogad a galamlenden, ruang lingan a dakutenan U’a-ben a garbertenji a mandranji a d’ong bangsa bangsa taniytiyan dajing awr attiye po?” (Mattiu 7:11). “Anten asan amben pansardige a dele janang den yante gamle on-benji a d’ong bangsa bangsa taniytiyan a tiyben bogad a galamlenden, ruang lingan a dakutenan U’a-ben a garbertenji a mandranji a d’ong bangsa bangsa taniytiyan dajing awr attiye po?” (Luk 11:13).

Dernan sanle Marid Janggardan batte u’gar-benji gijdaba. Kristun amihaman batte danusaben madridba. Gamangtungan d’ongben Marid Janggardan tiybenten angante amadridte ugarben do amaina tanurdun angante asaite.

Kinolbe absele: “Iten asan gamlenden Hen anargal maran a langka, d’an, do asarsol lingan, dungdamdam, rubmatai; bar Hen birinda-namji a langka Janggardadam-Hen do udlengon-namji a langka sanittadam-Hen rubmale tiytai” (Jisaya 44:3).