Oct 14 – DERNA DO TABUBDAN!

“Butente derten do tanabubdan dete, anin anablun hangte. Bar butente adderne, anin panadrad banaihan hangte” (Mark 16:16).

Tabubdan ahang-ben abmele Dernaben dete. Iten asan amben tabubdan ahang-ben dete? Kan ordar-lingan ajar ajar darmanji daku, kan kuddub-lingan Kristun ate jznjzn murdadam.

Anlen asan Jisu Kristun ordarban yiraiten. Amandrengnan tiyle, tanulan dele do yarmengle anlen asan. Kanina aberna anlen gamtabe angante tabubdan atiytaben adnang.

Kun bo minute-lingan, angante d’a-lingan tanangtaben tabubdan ahangben abmele, anlen gamtabe ‘Jisu Kristun hen abmele kahidle’ do lanankaban gijgijle. Bo bardika atikki, anlen d’a-lingan yirtabe do kan arabsuijan Jisu Kristun anlen abmele tanurtulan dele. Kun ayam-lingan, anlendaman kun Krisun akarahid-lingan maidamling j’ee-len dakutabe.

Bar, angante d’a-lingan bairaba dungtenaibe, anlen gamtaben Jisu Kristun karahidan saring yarmengle. Anten asan, anlen gamtabe Jisu Kristun Kahidle, tanurtulan dele do yarmengle anlen apsele.

Tanahimdam Kitungan a onagji, derna batte, anlen tanurtul-lungba tabubdan batte yirtabe. Kun batte anlen tanurtulan delai ambrij Adam saring apintu. Koranan, bandraban do duaihan kan kudduban manglen saring dungnaben tanuladeben dete. yangam bo mandra me’engne pintu mandrengnan batte do s’iete? Tabudan maih sattan tangoran pintuleji atulben.

Appai Pol gamete, “Anten asan anlen Anin ampara tabubdan batte karahid lingan tanzltzlan delabe, yante gamle engale U’an a gugu panemeng ranaptin batte karahid maranji amang saring Kristun yanarmeng anabdznan dele ettegoi anlen janang tabme mandrenggod lingan a hanaben delangten. Iten asan gamlenden Anin a karahidge lingan bogad Anin ampara anlen mainan delalenanden, a jardin na Anin a yanarmengge lingan ja Anin ampara anlen mainan detabe” (Romi 6:4, 5).

Bibolan gamte ayengan amndran der-ling tabubdan tiyte anin sattang anablu yangte. Anten asan, denan murdadam. Jisu Kristun kahidle, tnzltzlan dele do yarmengle hen apsele gamle dernaben dete. tabubdan ahangben abmele anlen dernan Anin ampara tanzltzlan deandele yanarmeng ranaptin batte me’engnaben dete.

Bibolan gamte, “Anten asan bogad buteja Kristu lingan dakulenden anin tabme ganadelan na, Papwranate s’zdle, do gijba tabmeate gadelle” (2 Korintia 5:17). Tanahimdam Kitungan a onagji, Kristu-lingan amben tabme ganadelan adelle.

Kinolbe absele: “Gamlenden dajingante amben Kristu lingan tanabuban a dele, dijte amben Kristun a d’ong onggikaban ambrij a rotudle” (Galatianji 3:27).