Oct 12 – NINGTHOU LEIBAK, PANGGAL AMADI MATIK MANGAL!

“maram di ningthou leibak, panggal amadi matik mangal lomba naidana nahakkini.” (Mathew 6:13).

Prabhugi haijaba asida Iswar thagatpa asi akonba sarukta uba phangi. Leisemdringeida achouba khurumba leirammi. Lakkadaba matamdasu Iswar khurumbana thangani.

Iswargi macha oinaba koubikhraba nakhoinasu matam leiba khibikta Iswargi matik mangal amadi mahakppu thagatnabagi damakta touba yaba makhei touba yai. Ningthou leibaksu magini, panggal su magini amadi matik mangalsu magini. Swarga malemda da matik khudingmak mangonda pirabani.(Mathew 28:18).

Nahakna touba khudingmak Iswargi matik mangal gi damakta toubiyu. Herodna mahakki matik mangalgi damakta thabak toukhi aduna swargadut amana mahakpu yeithukhi aduga mahak hanna chakhi aduga yamna phajadaba maongda sikhi. Madu nattra? Aduna nahakna touba khudingmak Iswarga loinana toubiyu aduga mahakpu matam leiba khibikta thagatlu.

Mahak ningthousinggi Ningthouni. Mahak iswarsinggi Iswarni. Mahak Alpha amadi Omega ni. Mahak ahouba ni aduga aroibasuni. Mahakki khutta khamnung leibak amadi sibagi sojei adu leiri.(Revelation 1:11, 17, 18).

Eikhoina Bible asi paba matamda ahoubadagi aroiba phaosi Iswargi panggalna pum than thalli habasi eikhoina uba phangi. Iswargi maphamda anaba phahanbagi panggal lei, angakpa thabak touba ngambagi panngal lei,pap kokpibagi panggal amadi hinggatpagi pangal lei. Panggal asi Iswargini.

Iswarna mahakki matik mangal oinanaba gi damakta nangonda panggal amadi matik pibibani. Mahakki pandamdi nahakna Mahakki ming panba, amadi asengba amadi lan ngamba ama oiba haibasini.

Satangi kok thugaiba Iswar aduna yeknababu ngamnaba panggal amadi matik khudingmak nangonda pibirabani. Nahakna madugi panggal adu sijinnaba matamda angakpa thoudok thokkani aduga Iswargi matik mangal oigani.

Iswarna Abrahambu changyeng touba matamda mahakna mahakki panggal phongdokpikhi, aduga haikhi, “Eihak thoihellaba Iswarni, eigi mangda chatlu,aduga amakpa leitana hingu.” (Genesis 17:1).

Nungshiba Iswargi machasing, thoihellaba Iswarna namangda chatpana maram oiraga nahakna kari amatasu kiganu. Nahakna mahakpu ikaikhumnaraga matik mangal piraga lan ngamna thabak touba oiyu. Iswarna nahakpu loinarabadi kanana nanggi maiyokta leppa ngamgani?

Dhyan tougadaba: “Iswarna amuktang haibire, eina masi anirak tare: madudi panggandi Iswargini.” (Psalm 62:11).