Oct 11 – SWACHATHA ANN DHOLSAP

Daniel 12:10 Jada admi hunen voj Shudh karlen nankya chachabrenai racha.

Dev ayero masaj dayi Chajegali Vuj Vor jannena Shudh karan, dhothanu Dholosaph karnakacha. Vu Dev Pavithar Athmar abhishek methi bharnaken  Dhonakacha. Hanoj navleri kajako sabhan Dev badlaavni karer vagathema cha. Dever vachan kacha (Darshaner Grandh 22:10, 11)  Vujji Vu manna dekhan yee Grandhethi pravachaner vaathena mudra marmath;daad dayi cha. Anyaykarevaal vujji anyayi kareda;apavitharer vu vujji apavithar reda;niyather vujji niyathen kareda;pavithar vujji pavithar veda.

Dev avajanna dadi dadi thar jeevadana pavithar karlen Dev thona paramema lejavju banchnu. Dev avajanna thu Chodajavatho athra Dever vaathey samlan athra Dever beptavuthi bhalan ren yessey kai phaido cheniju vejavacha.

Thu pavithar jeevano banchnu katho thar prarthana karer ann Bible pader vagath ku Chako yek haptha thuj paricho karlenu. Kathra vela avathoi prarthana karer kannai bholmath. Thu karajako jada prarthanaj Pavithar Athmar Abhishekena ann Vor Jorethi bharan Shudh pavithar jeevano banchen sahayam karacha.

Thu karrojako kaam Deven khushi lavju renu. , kukatho abba ma yee vaath karutho Dev pasand vachkey ? Yee jagen jaavutho Dev maar sath avachkey? Ma karujako yee kaamen Dev Vor Hathethi chalavachke?  Yessejima Thu kaato paricho karlenu, kankaren katho yeej thon pavithar jeevano banchen sahayam karacha.

Thar jeevanema Devenaj agadiyar jaag devnu. Thar daaden ann chalanina Devenaj mundag mellen shuru karnu. Hano Devenaj mundag mellen shuru karastho ann Dever chithhamen puro karastho Thu kannai hareseni. Yessejini chonaken mar yistam avaju banchuchu kelastho thona pavithar jeevano banchen aado athanu kalankethi bhara javacha.

Thu pavithar jeevanema voddanu katho thar jeevanena puro Devena havaal karnaken navanamethi renu. Dever chalavnin kannai  kamjor karmath. Dev katha chalavnu kelachko voma sthuthi kartho khushithi chalnu.

Premer Dever beptavo Dev dinojako sejima Deven sanman kartho renu. Deven dhak padan yistathi karer paapen chodan pavithar jeevano banchen mundag ajo.

Ajji jada dhyan karen pado 1 Pethru 1:16 Ma  pavithar chaju thamsada pavithar veneokan lakkan cha.