June 25 – Sabi apuni ke Mata toh

1 Corinthians 1:26,27 amilaga bhai kokai Khan, itia bhabibi, jitia apuni khanke isor matishe utu homoite apuni Khan kineka asile. Manu Khan laga suku para kunba khan he bishi dimag asile, takot asile aru bhal kam koria Khan asile. Isor janike he itu prithibi laga manukhan jinke okora bhabi thake isor tai Khan ke bisarise, ineka pora tai bisi dimag thakia manukhan ke sorom dibole Parise, aru Jun manukhan komjur ase isor taikhanke bisarikene itu prithibi takot thakia manukhanke sorom dise.

Bhabna kuribi kinika isor para apuni ke chuni loise morom para, aru apuni ke khemai di kena tai usorte matishe, itu kiman bi dangor kotha ase. Tai apuni logote thaka tu apuni ke dangor kam khan kuri bole diye. Jitya isor tu apuni logote ase, apuni nishina budhi thaka manu kun hobo na? Apuni nishina takotbmanu kun hobo na? Aru apuni nishina para manu kun hobo na? Pobitro kotha koi, 1 Corinthians 1:30 hoilebi isor apunikhan ke anikene  Krista jisu logote milaishe aru isor Krista laga bhitorte thakia dimag aru budhi ase. Tai nimite hi amikhan isor laga agete thik hoise, amikhanke ajad korikene isor laga pobitro manu banaidise.

Jitya Isor para Moses ke chuni loise, Moses tu tai naparia laga koishe, ki tai tu kotha kua tu lahe ase koi kena. Hoilebi isor tu iman shakti ase ki tai para hi Israel laga bacha Khan ke jongol te 40 days karone Moses logote thakishe.

Jitya Isor para Jeremiah ke matishe, apuni Jane tai tu namro hoi kene awaz dishe? Tai koishe, ami kobo naparibo ami tu juwan lora hi ase koi kena. Hoilebi, isor tu Jeremiah laga muk te isor Tai nijor laga kotha dishe aru taike prophet banai kena bhal para chilaishe.

Peter tu pora likha thakanai aru tai tu mas hi Mari thakishe jitya Isor para taike mathishe. Jitya Isor matishe, tai koishe, “ami para dur hobi, ami tu papi manu ase, o Isor.” Hoilebi isor tu taike tai laga chela banaishe, taike atma laga ashirbad dishe aru taike ekta dangor isor jana manu banaishe. John Wesley, tu ekta khata manu thakishe aru manu para taike biya pai hoikebi isor para taike jui nisina isor kotha koa manu banaishe.

Oh isor aha bacha Khan, apuni laga gau te bi kiba napungcha thakibo pare itu dangor isor jana khan nisina. Apuni bishi dukh thakibo pare nijor ke atma te uthibole. Monchutu nakoribo. Itu isor hi ase apuni ke chuni loise apuni  para hi chalak manu Khan ke sorom khilai dibole nimite. Takot thakibi, isor logote khara hobi, aru itu duniya te puhor hobi jui nisina.

Aji bhabna kuribo laga pobitro kotha tu hoile Deuteronomy 28:13, apuni Khan laga isor Jehovah apunikhanke bisi desh laga neta banabo hoilebi ekta desh lagabi chela nabanabo ; aji ami apuni khanke ki ki kothakhanke koidi ase itukhan sobke mani kene thakishe koile apuni Khan hodai uporte hi uthi thakibo aru kitya bi naharibo.