Oct 11 – MARID DO PALU!

“Ateng mandranji marid, palu do mardir deteji” (Daniel 12:10).

Egale Kitungan ayirtaih abmele tuyale, Anin amandranji a d’ong mardir abmele do marid do palu abmete. Marid Janggardan batte Anin gijdale marid abmete. Kani na ate ayaman Kitungan batte abangdanaben dete. bibolan gamte, “…iten asan gamlenden kun ayaman tuyale. ….butente roitaddam anin okij roitaddam de-ete, bar butente mariddam anin okij mariddam de-ete” (Anabpungge 22:10, 11).

Amben marid do marid adeben apsele Kitungan ayirtaih sikoija marid dakunaben dete. Yan adanukadam Kitungan ayirtaih ayam-ling er marid dakulaihden, ateng hananganji anamdangan adelen atikkija do Kitungan amandranji atanurdu-lingan dakuan-dakulenden!

Marid adeben apsele, ambendaman agarbernaben do Bibolan akznolben dete. ite-deleja ganarber-mandrangna saring adayerguddongne. Tangsoi garberan batte Marid Janggardan aranaptin pangtai do Marid abmelangten.

Kuddub-lingan Kitungan a d’ong abm’oihben dete. Bogad Hen kan aberna oblinglaihenden, Kitungan m’oihtepo? Bogad Hen kani kuni ajagalen yirlenden Anin hen amppara dakutepo? Kuddub baraling-hen Anin dongrabtih po? Kan kudduban abmele jaru gamle ogangdeben dete. kan ate na manarid lingan adakunaben sayataben.

Kuddub-lingan Kitungan a d’ong ahimba. Dile dinnan do Kuddub bara-lingan Kitungan timang-ling-ben dakuba. Angante timang-ling-ben Kitungan a d’ong adakute amben agaja adgaluben. Angante amben Kitungan a d’ong akaridate do ambendaman aitsuman batte ahaten, kun ayam-lingan, amben ermarid do duaih debenten mandrangna-ling-ben.

Bogad Marid mandrengna amarangben aitsumlenden, surpiddamlen abernan amaneben dete. abara-lingan abdingdingdongne. Ite-deleja Kitungan d’ongben sayamte, man’oihan do anabgugu batte dakunaba.

Tanahimdam Kitungan a onagji, kuddub-lingan Kitungan batte dakunaba. Kitunglengan bangtongle. Er dayergudling-ben Marid-lingan basuba egale pintu-lingan adgaluben.

Kinolbe absele: “…Hen na mariddam a delaian asan, amben ja mariddam deba, gamle anidan dele” (1 Pitor 1:16).