Oct 07 – VAAT ANN NANDI

Yeshaya 43:19 Ma adabimavathoi vaat kaduchu, jann chenijeth nandin paraju karuchu.

Jann chenijako jaagema pani ann chendi sada naraju masaj thavdo racha. Vo kaat vatema acho reda ashish reda kaireni. Yee jann chenijako jaagema kai sikhancha katho seji chonaken koicheniju banchero ann royeroj .

Yek daad Sara ghalrijako velan khamer hathayenitho Hagar  jann chenijako jaagema jaathi ra. Vu jaarijako vatema Dev Vor yistathi Hagaren dikhathani vona himmat dino. Bayar nai rathoi Hagaren Dev chodokoni. Dev Hagarena ann vor khandenen phelavju ashish kido. Sethi chetiven  andharema vethije Hagaren Dev vajalema chalayo.

Mosey jeevanen dekhatho vu Phoror raj mahalema moto vethanu ,ladayi marajema ann sey thara vidhyan seekhmelotho. Athoi Dev Mosey Raj vethani hathema Rajer daand jallena palana karevalen lejathanu Horeb gatlaper gorlir daand jallena gollavarya nai gorlin charavju kido. Vo adabima koi chenijeth Dev Moseythi vaathey karan Yisrael moto malvena nayaker nai bayapanethi codan chalavnu ken hakkam dino. Dever vaath kacha (Demovupadesher Grandh 32:10)

Adabeema gano moto aateythi haalvegijako jannchenije jagema vona valakan gheran dekhan ankir dolar nai jathan kido. Moseyra nayak panema Baalam Yisrael jann adabeemathi aye jen ditto, ann samaj devalema Devaj vutharan athovetho yessey dekhan hanno ko ( Ganthir Grandh 24:5)

Yakob thar jumpdivo, Yisraeleval tham vasarejako jaag Kathraiko sundar vencha.. Ajjek vachanema Baalam pravachan ko (Ganthir Grandh 24:6)  Vaagernai vo phelamelech nandir dai thotardakal Yehova gaado jako Agarer jhadenai panikan chajako Devadharer jhadernai vo cha.

Mar premer Dever beptavo aaj thu adabeema ann  jann chenijako jaagema vasarochikey vothaj Yesu Prabhu tharvasu nandir panina  ach vatena vagadacha.

Ajji jada dhyan karen pado Yesaya 35:1 Adabee ann sukharijako jammi khushi karacha. Adabee vullasamethi kasthurir phulernai phulacha.