Oct 03 – Ruti aru pani!

Exodus 23:25 apuni khan khali amike,apuni laga Isor Jehovah ke hi puja kuri kene thakishe koile, ami apuni ke bhal kha loa aru pani di kene bhal pora rakhibo aru apuni khan laga sob bimar khan ke hatai dibo.

Kiman bi achurit ase itu rishta ashirbad laga jitu Isor pora apuni logote banaishe. Tai hi apuni laga ashirbad laga rasta ase. Tai bhabna, chinta aru icha ase, ashirbad dibole tai laga bacha khan ke.

Jitya Isor tai laga bacha khan ke jongol pora jabole rasta dikaishe, tai duth khan laga khana swarg pora giribole dishe, tai khan laga ruti banai kene. Aru itu pora hi sob ke bhorta hobble dishe. Kile kooile duth khan laga khan a tu ashirbad ase, kun bi tai khan majote komjur huanai Isor laga bacha khan.

Jitya Elijah tu Cherith nodi laga kinar te lukai thakishe, Isor pora kala kawa ke hokum dishe Elijah ke ruti ani dibole. Elijah tu itu kawa pora ani diya ruti hi khai thakishe  hodai aru nodi laga pani hi khai thakishe. Jitya itu nodi tu sukhi jaishe, Isor pora Zarephath laga vidwah ke ruti aru pani ani dibole dishe. Kitya bi napahoribi Isor apuni khan karone bi inika hi bhabna kure. Matthew 6:31 itu nimite ki khabo aru ki lagabo, itu bhabona pora mon dukh kuri kene nathakibi.

Jitya Jisu Krista itu prithibi te thakishe , tai ekbar itu ruti ke loi kene ashirbad kurishe. Itu ruti tu 5000 manu khan ke bhorta kuribole bishi thakishe. Jisu hi apuni khan laga ruti ase ji pora apuni bhorta hobo. Itu hobdo ‘ruti” kua tu bishi dangor motlob ase Notun Niom te manu New Testament  te. Jisu Krista ppora tai nijor ke jibon laga ruti ase koio kene koi (John 6:35)

Isor pora khali apunim laga ruti hi ashirbad nakuribo hoilebi apuni laga pani bi ashirbad kuribo. Purana Niom te,Isor ashirbad kurishe pani Israel laga bacha khan laga. Israel laga bacha khan laga homoi te thaka pani tu bishi sapha thakishe. Jitya Israel laga bacha khan Marah te ahishe, Isor pora Marah laga tita pani bi mitha kuri dishe. Isor pora tai khan pyas lagi thaka bi pathor pora ulaa pani logote bujhaishe. Jitya Jerico laga pani biya hoi jaishe, Isor pora Elisha pora achurtit kam kurishe aru aru itu pani ke khabole para bhal banai dishe.

Sabi kiman dangor ase, pani Isor pora diya tu. Pobitro kotha te koi, John 4:14 holebi ami diya pani jun khabo tai aru kitya bi pyas nalagibo. Ami juntu pani taike dibo itu taillaga bhitorte jai kene jibon diya pani laga nodi hoi jabo juntu tai ke kityabi khotom nohobole laga jibon dibo.

Isor hi ase jun apuni laga ruti aru pani ke ashirbad kuribo. Aru apuni laga ghor laga ruti aru pani bi ekta ashirbad hobole dibi.

Aji bhabna kuribole laga pobitro kotha tu hoile Psalms 115:14,15 jehovah apuni khan ke bishi ashish di thakabo, apuni khan ke bi aru apuni khan laga lora suali khan ke bi.  Jehovah jun swarg aru prithibi ke banaishe, apuni khan tai pora ashirbad pai thakibi.