Oct 02 – Guti dhala homoi aru kitia!

Genesis 8:22 jima tok prithibi thakibo hodai bijon lagabole laga ekta homoi hobo aru bijn katibole laga ekta homoi hobo. Tate thanda bi hobo aru gorom bi hobo, gorom homoi bi ahibo aru thanda homoi bi ahibo, din bi hobo aru rati bi hobo.

Guti dhala homoi aru katia homoi tu Isor pora hi niom bana laga ase. Manu khan pora katibo tai ji lagaishe. Tamil laga dimag kotha te koi, “jun pora dhan lagabo, dhan hi katibo aru jun manu ke dukh dibo tai dukh hi pabo.” Ahibi aji bhabna kuribo Isor pora guti laga aru katia uporte ki koishe.

Pobitro kotha te koi, Job 4:8 ami dikhise manu khan bia laga khetite hal marise aru bijon nisina bia khan ke phelaishe; itia tai khan biya khan ke hi kati kene joma korise. Genesis 9:6 manu ke Isor nisina kori kene banaise, itu nimite jun manu ekta manu ke morabo taike dusra manukhan moraidibo.

Psalms 7:15 hoilebi junt phan taikhan manukhan nimite banaise utu phan te taikhan nije phasise. Galatians 6:8 tai khan kkhun mangso bisari thakia laga bijon phelaise tai moria laga dhan katibo; aru tai atma laga matite bijon phelaise koile, tai kityabi khotom nohobole laga dhan katibo.

Apuni khan bi bhal guti hi phelabi, aru ashirbad laga dhan katibi. Eccllesiastes 11:1 dusra desh khan logote kam koribole nimite poisa dhalibi, aru ekdin apuni bishi labh pabo.

Ekta raja tai laga ser kuri kene ahi thakishe, tai achurit hoishe ekta burra manu kea am laga paudha te pani dhali thaka dikhi kene. Tai itu manu ke hudishe, “oh manu apuni toh bura hoi ase aru itugash toh apuni thaka homoi te dangor nahobo aru phal bi nadibo. Toh kile apuni iman mon di kene itu paudha ke sai ase?

itu bura manu pora koishe, “ raja utu gash kha ke sabi. Ami pora tai ke lagnai. Hoilebi ami itu gash laga phal sob khabole pai ase juntu ami laga bura baba khan pora lagaishe.itu nishina hi ami itu aam gash laga phal khabole napabo juntu ami pora lagaishe. Hoilebi ami laga pichete ahibole thaka pushti khan itu gash laga phal tu kjhabole pabo.” Itu jawab pora raja tu bishi khushi hoishe.

Abraham bi Biswas laga guti phelaishe tai laga bura homoi te. Issac ekla hi tai laga bacha thakishe. Hoilebi tai laga Biswas laga suku pora bishi pushti aha dikhishe juntu itu akash laga tara khan nishina aru hagor laga bal nishina hobo aru ashirbad te thakibo. Ami khan bi Abraham laga pushti aru Jisu laga morom te hi ashirbad te ase.

Apuni khan bi nijor laga suku pora itya dhala guti laga phal tu nadikhibo pare. Holebi pchete itu laga phal tu apuni khan swarg laga rajyo te dikhi pabo. Oh Isor laga bacha khan, apuni khan bi chinta nakuribi. Swarg laga rajyo bi sorso laga guti nishina hi ase (Matthew13:31)

Aji bhabna kuribole laga pobitro kotha tu hoile: James 3;18 ekta shanti laga manu jitya shanti pora, shanti laga bijon lagai titya tai shanti hi pai.