Oct 02 – BWDBWDAN DO GADGADAM AYAMAN!

“Bar dajing ayam sikkoi ja ordaran dakuten, kun ayaman sikkoi ja bwdbwdan do gadgadam ayaman, bar rangan do dagan, bar dagan do rangan ayaman, bar dinnan do togalan, kan a kudduban kanaddaban adde-e” (Aparamangtan 8:22).

Bwdbwdan do gadgadam ayaman kan kanaddaban adde-e do kan ate aboi Kitungan aitsum. Mandran gadte itente anin budte. Tamilan batte bo berna daku: “Butente budte anin gadte do butente bigrdanji a d’ong adnadhanghange anin janang adlabamme.” Jaba anlen agijba Bibolan iten gamte Bwdbwdan do gadgadam ayaman abmele.

Bibolan gamte, “Bar hen gijlai do, ayengan a mandranji er ranoitadan orteji do kanalkalan bwdteji, aninji antate gadteji” (Ayob 4:8). Butente mandran a d’ong kabhidte, anin janang mandran batte kanabhidan dete” (Aparamangtan 9:6).

“Anin abo l’ungan gaile jaru abme-eten bindo anindaman a gailen a l’ung lingan anin paludle” (Sanenken 7:15). “Gamlenden butente a d’ongandaman apsele bwdte anin a d’ongan saring s’odamanate gadte bindo butente Janggardan apsele bwdte, anin janggardan saring er ahidan a mandrengnan gadte” (Galatianji 6:8).

Amben bangsa jabmolan absuiben dete; anabsitta jabmolan absuiba, erahid mandrengna abmele budba. Bibolan gamte, “Aman d’an a langka lingan jabmolan szda. Iten asan gamlenden kanate ateng dinnan a tiki aman barokij hangte” (Hanangber 11:1).

Angante Raja bairan dungnaiten anengduba adnang, anin gijle bo mandra urdan aguten ate do d’an atiyte ate. Anin kun mandran a d’ong gamle, “Tanimyimmar, aman andreng tayaidbalam do kan n’eban abj’oe aman adakutaman adnang. Iten asan aman dihne baraling dakuten?

Kun talaibamar ayerberle gamete, “Raja, gija jajingante a n’ebanji kardene adaku ate. Hen er ganu kan kudduban. Bindo, hen kun nebanji ajon hen hanglai pwrban jujulenji agulenji ate. kun ambrij, hen pede kan ate adhagai agutaih ate. Bindo kan ate ayirtaih amandranji hangteji ijpo?” kun aberna batte Raja ateng m’oihle.

Abram atalaihba sikkoija dernan ajabmolan absuile. Amangan saring Isak sattan karukudan dele. Bindo anin aderna batte kuddub ordaran barijle kun abirindan saring nami gijtabe egale tuituijanji riang-lingan do lakijan ganungan lingan. kun batte anlen janang anabsittan delai abram do Jisu Kristun sanle.

Nami pede amben agije itente agute ate. Bindo amben agijte tikki kan kudduban ruangan arajam-lingan. Tanahimdam Kitungan a onagji, mulsaldahimdong. Ruang rajaman bo sarsu-jaban ambrij (Mattiu 13:31).

Kinolbe absele: “Anablabgad maranji itente a ranoitadan a jabmolan lanabgad lingan bwdbwdleji, kun saring ranoitadan a j’on hangteji” (Jakuban 3:18).