Oct 01 – Phal aru tai laga guti!

Genesis 1:11 titya Isor koishe, “hobole dibi prithibi te ghas, aru paudha juntu guti dhure, aru phal gash laga juntu eki kisim laga dhure, aru juntu laga kisim hi prithibi te ase;” aru itu nisina hoishe.

Ekta guti tu phal laga bhitorte lukai kene thake. Guti bhitorte  notun jibon thake. Itu jibon pora hi notun gash khan ke ugibole diye. Aru inika hi phal nathakile tai laga guti bi nathakibo, itu nishina hi ekta biswasi jun hi phal dibo napare tai atma bachabole naparibo.

Gash khan guti dhure. Itu homoi te hi tai khan phal ulai kene notun guti ulabole diye juntu notun gash ke ugibole diye aru inika hi hodai jai thake. Phal khan laga sundor rong, taikhan laga gun aru khabole bhal pora hi chiriya khan gash tea hi kene khai aru itu pora hi guti alag alag jaga  te pheli jai. Itu pora hi prithibi te alag alag jag ate gash khan bhorta ase. Judi itu gash laga phal  te guti nathake toh itu bishi hobole laga kotha hi nai.

Oh guti dhura biswasi khan apuni khan laga atma bachishe khali itu ke hi ekta bhal Christian aru biswasi nabanai? Hoilebi bhal biswasi hobble nimite  apuni khan apuni khan dusra laga atma ke bi bachabole lage. Sob biswasi khan bi atma bachabole lage. Sob parivaar bi Isor laga kam kura hobo lage arum on di kene kkuribo lage.

Aru ekbar bhabna kuribi utu phal aru tai laga guti khan ke. Itu chutu ekta guti pora hi sob dangor gash laga kisim tu dhuri kene thake. Kiman bi achurit ase nahoi! Dangor gash hobole thaka khan tu iman chutu ekta guti bhitor te jibon loi kene thake.

Sob guti khan te bi jibon thake. Itu guti ke ahar laga khan bi ti bhitorte hi thake ji pora tai dnagor hobole pare. Bhitorte norom jar khan ke bachabole nimite itu guti tu bahar pra bishi tan thake. Sabi kiman bi gyan pora Isor pora phal laga guti ke bi bachai rakhibole inika kisim pora banashe.

Pobitro kotha te koi, Matthew 13:31.32 jisu taikhan ke aru ekta kahani koishe, “swarg laga desh inika ase :ekta mmanu ekta sarso sarso guti loi kene ta laga kheti te lagaise. Itu sorso laga bijon sob pora chutu bijon guti thakshe . hoilebi itu bijon jitya gash hobo , itu bishi dangor khuri gash hobo . aru chiriya khan tai laga theni tea hi kene ghor banabo.

Sob Isor laga bacha khan  Isor laga pobitro kotha ke dhuri kene thakibole lage ekta guti dhura nishina (luke 8:11) Jitya apuni pobitro kotha laga bijon phelabo, aru nijor laga jibon parivaar aru ministry te bi itu hi lobo titya hi apuni notun phal aru guti dhura laga gash hobole paribo

Aji bhabna kuribole laga pobitro kotha tu hoile Luk 8:8 kkunba bijon khan kheti laga bhal matite girise; ash khan dangor hoikene guti khan dhurishe, ek sau ta kuri kene. Aru ses te Jisu koishe, “huni kene buji bole parile bhal ase.”