Sep 30 – THU VASAROJAKO JAAGENA PAVITHAR KARLA

Deemo Vupadesher Grandh 23:14 Thar Dev chajako Yehova thona chodayenan thar vairivun thon havaal karnu kethanu thaar agal bagalaj pharu karacha jethij tharema chajako balla dhangena Kenithoi dekhan chodan jaavanaju   thu Vasrojako jaagena Pavithar karla.

Thu Vasrojako gharema jaag bharlen ann thu bancharojako jeevano pavitharethi rakhaldenu. Kankaren katho Devaj thar vachethi chalan jaavanu kethanu asa karroch. Kasenkatho Vu Dev thon badavnu kan, ashish karnuken, thar vairivuthi ladayi maran hunen thar taangee heta lavnu ken, yessejima thona jayam denuken thu samorethi renu ken asa karrocha.

“Thu vasarojako jaag”  Yee vather arth kaikatho seji yekjaag gheran ayero, katho yema thar katmalo, thar ghar, ann thu katha kai kaam karrochiko seji bhelan avacha. Jethij thar jeevanema katha dekhathoi pavithir dekhavnu. Dev thar jeevanema katha dekhathoi balla dhangena dekhnu koni. Votha votha thodsek admi huner voj gharema pavitharethi banchareju dikaavacha lapan vo kareejako jaageper huner balla dhangena dekhalu karacha. Ajji thidseken dekhtho Dever sabhama pavithar dakal dikhathanu bhaar huner vaithik jeevanema apavithramethin huner dall mosathi bharan racha.

Vaaramen yekhaptha thu vupavas prarthana karan ma varam saari Deven maar Jeevanethi khushi padarochu kelerveni. Jesaruj aado jeevano Devema pavithar reron ajji aado jeevano apavithar rero yek Dever beptavun  kannai chaajeni. Lapan Dev thaar saari jaag kajako jeevano bharpoor pavithar ven banchnu kajakonaj Dev kanaai pasand karacha.

Yisrael jann Adabeema chalan jarejanna  Maaj thamar vacha vaser saru yek deran bhando ken Mosey na Dev hakkam dino. Hanno katho yekhapthi sochkaran dekh Dev vasunchu kerojako jaag ajji kathra pavithar ven renu kunike. Vorsaruj Dev huner vasajako jaag sarij pavithar karlenu ken Dever dallero asa.

Yek daad Yesu Prabhuj Zakkayyar gharema vasanu keldojanna, saasij apan dekhajanna Zakkayya vor gharema chajako ann vor jeevanema chajako sey apavithar cheejevunan apavithar kaamevuna  vu vasarojako gharemathin vor jeevanemathij bhaar kananken Yesu Deven balaalino kan padacha.

Abba mar premer Dever beptavo vuj Yesu Prabhu thar dallema vasanu katho thu ajji kathra puro pavitharethi thar dallen rakhaldenu kunike? Hanno konikan thu maand sochena, balla sambandaluna, balla dosthidarevuna rakhalden manna Dev chavnu katho Vu Prabhu kukan thar dallema vaser viye? Jethij thar sari jeevano hetethi vunchethanu bharpoor pavithar rakhalden Yesu Deven balaalino katho thar jeevano kannai harobharo karnakacha.

Ajji jada dhyan karen pado 1 Corinthivalun 3:16 Than Dever deval cho kanan, Dever Athma thamema vasrochakan malam chenikey?