Sep 30 – Apuni laga jaga pobitro hobo lage!

Deuteronomy 23:14 apuni khan laga camp ke niom pora sapha rakhibi, kile koile apuni khan laga Isor Jehovah apuni khan ke bachai kene rakhibole nimite aru apuni khan ke dushman khan uporte jitibole dibole nimite apuni khan laga campte ase.inika ikhubi bhal nalagia kam khan nakoribi juntu hoi kene Jehovah apuni khan laga usor pora hati jabo.

Apuni khan laga ghor tu sapha aru apuni khanlaga jibon tu pobitro hobo lage, kilekoi Isor apuni khan laga majote berabole mon. tai apuni ke dugna kuribole mon, ashirbad dibole mon aru apuni khan laga dushman ke harai dobole mon apuni laga theng nichete apuni ke jitabo.

Itu camp kua laga kotha tu hoile sobke koi ase, jitu apuni khan laga  parivaar, apuni laga ghor, apuni laga kam kura jaga aru apuni laga vyapaar khan ke.Isor pora apuni laga kun jaga te bi iku moila dikhibole mon nai. manu inika ase jun hi ghor te bishi pobitro dikhai aru kam te tu thogai kene chulai. Aru alag khan bi ase, jun hi girja te bishi bhal aru pobitro dikhai hoilebi tai khan laga nijor jibon te tu misa aru biya kam hi chule.

Jitya apuni ek hapta te ek din karone upwas aru prathana kure, itu laga matlab tu apuni alag din utu sapta laga te nijor khushi kuri berabo. Itu nishina hi apuni khali ekta jag ate  pobitro dikhaile alag jag ate pobitro nathakile it utu maph nai. isor icha kure ki apuni laga jobon laga sob jaga hi pobitro hobole lage.

Jitya Isreallites than tu jongor te berai thakishe, Isor pora Moses ke koishe ekta jaga banabole, kile koile isor tai laga manu khan majote thakibole mon thakishe. Ekbar bhabna kuribi kiman bi sapha aru pobitro hbole lage Isor thakibole laga jaga tu. Itu nimite hi apuni jibon laga sob jaga tu pobitro hobole lage.

Rkbar Jisu Krista zacchaeus laga ghorte te thakibole mon ase koishe. Zacchaeus pora tai laga ghor te iku bi moila saman  rakhanai, sob biys aru mooila saman khan hathai dishe aru  thakibole laga sapha jaga kurishe.

Oh Isor laga bacha khan, jitya Isor apuni  laga mon te thakibole mon ase, apuni bi inika hi sapha rakhi kene pobitro kuribo nalage? Judi apuni sapha nathaka rishta khan rakhibo, moila aru biya bhabna khan rakhibo, kinika Isor itu moila jag ate thakibole ahibo?itu nimite apuni laga jibon laga sob jaga tu moila pora bachai kene rakhibi aru ekta pobitro jaga hobole dibi.

Aji bhabna kuribole laga pobitro kotha tu hoile 1 cor 3:16 apuni khan najane, apuni khan Isor laga mondir ase aru Isor laga atma apuni khan bhitorte thaki ase.