Sep 29 – Nijor laga prathana homoi!

Songs of Solomon 1:6 ami laga rong nimite ami ke misa misi nabhabibi, suraj amike jolai dishe. Ami laga bhai kokkai khan ami uporte khong uthi kene ami kheti te kam kuribole dishe nijeke sundor  kuribole nimite ami homoi panai.

Kiman dukh laga kotha ase ami khan nijor laga bagan thik kuranai. Itu amikhan laga zaroori kam ase ki ami khan nijor laga jibon te prathana laga thik homoi rakhibole lage. Judi apuni laga jibon te prathana kura laga thik homoi nai toh apuni khan manu laga majete girja te  prathana kuri dikha tu iku ashirbad nahibo. Itu tu khali apuni nijor laga thik prathana homoi pora hi apuni nijor laga bagan sambhali kene rakhibo paribo, apuni laga bagan tu hoile apuni  laga atma mon hi ase.

Jitya Isor pora Adam aru Eve ke Garden of Eden te rakhishe, Isor pora tai khan ke zimedari dishe ki iku bagan ke thik rakhibole. Itu tu amikhan hudibole lage ki ki judi Adam pora bagan thik pora sai thakishe toh kinika itu saap ahi kene bagan te tai khan ke lobh dikhaishe.

Kile koile Adam pora thik pora bagan Sanai itu karone hi satan tu itu phal laga gash te uthi kene lobh dikhaishe. Aru itu pora hi pura prithbi pap te dubishe. Itu tu khali apuni khan prathana laga jibon pora hiapuni khan nijor laga bagn apuni laga mon atma ke bachabole paribo, apuni khan laga parivaar laga atma aru satan laga lobh pora bachabo paribo.

Apuni khan juntu ministry te bi kam kuri thakile bi judi apuni laga jibon te prathana homoi nai it utu age barhi najabo. Itu tu dhar nathaka dao  pora gash kati thaka nishi na hi ase.

Oh Isor laga bacha khan judi apuni khan juldi uthe titya hoile apuni khan Isor ke prathana kuribi din bhal jabole nimite. Hoilebi judi apuni khan prathana nakure titya hoile apuni khan nijor laga tagot pora jabo lagibo aru apuni giri jabo pare.

Ekta Isor kam kura manu thakishe jun hi bishi dukh kurishe Isor nimite atma bachai dibole nimite. Tai bishi bible study khan aru sermon khan kuri thake. Hoilebi tai nijor laga bagan tu bachabole paranai kile koile tai prathana laga jibon thakanai. Ekdin Isor pora koishe ; ami laga bacha, judi apuni laga ghutna te thaki kene prathana kure , apuni manu khan laga piche te berabo nalage atma bachabo nimite, hoilebi bishi manu apuni laga girja te tai khan laga mon atma dibole ahibo.” Itu pastor pora itu kotha ke bishi mon di kene loishe aru tai utu din pora tai prathana kuribole shuru kurishe. Aru Isor pora jold hi taike bishi mon atma pabole dishe tai laga girja te.

Oh Isor laga bacha khan apuni khan tu inika hi mon di kene prathana kuribo lage aru atma ke tagot kuribole lage. Titya apuni laga bhitor laga mon atma tagot hoi kene thakibo. Apuni khan laga jibon tu uphar pora hi bhorta hoi jabo aru itu khan pora hi apuni khan laga jibon te kam kure. Aru Isor pora tai ke bishi chulaishe.

Aji bhabna kuribole laga pobitro kotha tu Songs of Solomon 5:2 ami ghumai kene thakishe hoilebi ami laga mon uthi kene thakishe. Ami laga sapna te dikhishe ami laga morom ami laga dorja te mati ase.