Sep 29 – VAITHIKA PRARTHANAARO JEEVANO

Paramer Geed 1:6 Lapan Maar vaithik baagena ghasan deken maar bhootha veekoni.

Yee  kathra dukhaaro vath kunike mar bagena ghasan deken maar bhootha veekoni. Thu prarthana kareroj agadiyar ann vuj mukhyavadero jeevano ken vona samor karlenu. Vaithika prarthan karer jeevano cheni katho vorpach, thu sabhama red katha prarthana karatho kunsivodithi ashees maleni ken malam karla. Vaithikvaagi prarthana karathoj thar jeev kajako bagena ghasan deker viye.

Adamenan Havvana Dev  Edon bagema melojako vo sedyam karena ann achethi dekhler vaasuj. Lapan Dever vathen Adam khato ann jimmedarethi lelinoke konike kajakonaj yek savaal vencha. Hanno saasij Dever vathen mano vatho vo bagema Satan  aathoj  koni.

Sammor dekhlinokothi jannaj bhooth aach ballan malam karer jhadeper athanu Adamenan Havvana paricho kido. Vo parichoma doibhee solgey janaj paapan sarap jagema avagich. Jesaru thar prarthanar Jeevanethij tharo jeevano kajako bagena ann athmikathana bhoother hather jalema halajanaju kapalder vacha. Thu kunas tharar seva karrothoi prarthana karesnitho vu seva alarikoni jako koradirnai lakadi kothrajum racha. Dever beptavo tham parabhathi vagath Dever pagema godivalan prarthana karatho vu daad saari thar saru Dev seni dekhlacha. Thu prarthana karanaju thar daaden shuru kidokatho thu soljavajako joreper bharvaas melervacha.

Yek seva karevalo kathrako vela padan haal Vejareje jannen rakshanama laan Dever saru sabhan bhandanu keldo. Vu masaj Bibler bage keran masthu bhoda kido. Yesseji karajema haljan prarthana karer vagathen gamalino. Yek dad Dev vothi vathekido, MAR BETA THU THAR GODI VALAN PRARTHANA KARASTHO JANNER LAAR THU JAAYER KHATAHR CHENI. VOTHIN JADA THAR SABHAR MAAYI JANN DHAASAN AVAJU KARUCHU. Ye vaathen vu sevak savalernai lelen godi valan prarthana kidojanna Dev navvo athmavun sabhama bhelo.

Premer Dever beptavo aaj thu prarthana karnukethanu yek savalernai lelinokatho thar Athma jorethi bharavcha, ann tharmayi vasrojako admi sada jorethi bharathani Athmik varalethi bharpoor vejachi, janna Dev Vor mahima saru thona jorethi valdacha.

Ajji jada dhyan karen pado Paramer Geed 5:2 Maa sojarochu lapan maar mann jaaganaj cha. Maar  bhen,maar premee, maar Kabuthar, maar vasu Pavithar ven chijako, maar aat samal.