SEP 28 – EI AMUK HALLAKKANI ADUGA EIGI INAKTA LOUSINBIGANI!

“Eina chattuna nakhoigi damak mapham thourang tourabadi, ei amuk hallakkani, aduga  eina leiba mapham aduda nakhoisu leinaba eina nakhoibu eigi inakta lousinbigani.” (John 14:3)

‘Eigi inakta lousinbigani’ haibasigi wahei asi Iswargi wasakni. Mahakna amukka lakpa matamda eikhoi maga leiminnagani. Yotchabina yot akuppa sing bu chupsinbagumna iswarna su eikhoibu lousinbigani.

Pakhonchatpa Paulna asumna ikhi: “Ichin inaosa, eikhoigi Ibungo Jesu Christa lenglakpagi amasung eikhoina Ibungoga punna tinnabagi maramda eikhoina nakhoibu nonjari, …” (2 Thes. 2:1). Eikhoi Christaga pungadaba numit adu eikhoigi mit asina khourangna yengdunaleiri.

Taibang pan apumbasi karigumba pokhairakkadaba amagi maramda kiduna leiribani. Taibang pan apumbasida scientistsingna atomic gi weapons mayam semduna lei aduga makhoi kiduna lei. Taibang pan apumbasina akibaga loinana taibang pan apumbasi pokhairakkani haina pakhatlaga leibani. Adubu eikhoi Iswargi machasingnadi eikhoigi Prabhu Jesuna amuk lakkadaba adu ngairaga leiri.

Mahakna lakpa matamda  kangkhraba sarusing su amukka samjinnagani. Akangba sarusinggi marakta khongthang lamba maichou Ezekielna asumna hairammi: “Maram aduna eingonda yathang pikhiba adugumna eina wa  takthokkhi, aduga eina wa  takthoklingeida makhon ama thokkhi, aduga yengu, krok krok laoba makhon,sarusing adu punshinnaduna saruna mahakki saruga tinnakhi.” (Ezekiel 37:7).

Ngasigi taibangpan asida Prabbu gi thawaina eikhoibu wakhal amata oiba, amata oiraga  khoijel lingjel mannaduna Iswargi lakpa numit adu ngairaga leigadabani. Nangna kadaida pokpa kadaida chaojarakpa aduna maru oiba natte, adubu Christagi eegi mathanungda nahakna changjarakpa matamda eikhoi mayam asi imung ama oirabani.Nakhoi imung amata oina sagatkhrabani.

Iswargi machasingga matam pumbada punbasi maru oibani. Wakhal da amadi thawaida amata oigadabani. Eikhoigi Prabhuna asumna prathana tourammi: “maramdi Ipa nahakna eingonda leiba amasung eina nangonda leibagumna makhoi amata oinanaba, makhoisu eikhoida amatta oina leinanaba amasung masina nahakna eibu tharakpani haiba taibang panna thajanabani.…” (John 17:21).

Nungshiba Iswargi machasing, Prabhuga nahak amata oiba matamda, Iswarna nakhoibu amata oihangani aduga nakhoi wakhalda amadi pandam da amata oihangani.

Dhyan tougadaba: “misingnadi tasengmak langseklaba, adubu Iswarnadi khangatlaba mamal yamlaba ahingba nung adugi manakta nakhoina laktuna , nakhoisu ahingba nungsinggumna Jesu Christagi mapanna  Iswargi maphamda lousinba yaba thawaigi oiba iratpotsing katnanaba asengba purohitsing oina thawaigi oiba yum sagatle.…” (1 Peter 2:4,5)