Sep 27 – KANSIMULAN!

“Anten asan adarmad dakunaba. Iten asan gamlenden angante s’ingan a gamangan yertai, antate amben aggalame, manan, oruban orde tungar togalan orde kansimulan orde tagaldan amben aggalame” (Mark 13:35).

Angante kuddub mandranji dzmadna-lingan dakuteji, kan ate mandranji galam kans’iman uletenden deteben gamle. Kansimulan aboi Kitungan amandranji abmele anabkzlkzlan, Jisu Kristun ayirtaih abmele ordarba anabkzlkzlan.

U’u, anlen janggardan-lingan barij adaku amandranji sanaisai, ayengan amandranji Jisu Kristun yirtai gamle hangan tiyte, do ayirtaih apsele oskailen dakunaben dete gamle.

Adnabpengbaeten adena saring, bagu berna Pitoron amona-ling pede yirai, angante kansiman aulte ate amdangle. Aparamangtan ate Jisu Kristun a d’ong adnabpengbaeten ate, do anten asan anin garberle ayirtaih adena-ling rabrab-ben gamle. Anab-bagu-lingan, anin pede ogandeben dakule Kitungle adayertaih ate. Do anin pede ualte badih “Kitung, agan hen amdangtai surdakumpedan asanada aman ayertaih apsele? Yan aman’oihan aman ampara ayirben ate ayirtaih adnang? Hen abgugule do senkenratam, aman bayale ayirtaih sikoija.

Egale Kitungle ayirtaih abmele anlen amdangtabe, pwrardanlen do pintunle abmele garbernaben dete yante gamle anurungan detai. Anlen ja oblingben dete Anin ayirtaih abmele ordarba. Ayaman do tarikon adgalamlabeja, anlen agijtaben aberna kuddub anujoraih adelen ate. anlen ja Kitungan atumadgijberan atanakudlingan ajoraiten ate. kanalkalan adakulenden yangam aman oskaite bigrdanji abmele?

Yagi-soa saring ateng bernanji anidolan dele Kitungle adayertaih abmele, bibol-lingan. kan kudduban abernaji anappai maranji edol-leji akimbo-ol-linganji. Bibolan gamte: “Iten asan gamlenden banaihan tiyan tiyle murda pisirdian a sarrangan batte do Kitungan a surakompedan batte Gamangtungdaman ruangan saring latsolai. Bar abmangan, Kristu lingan a kahidlen a mandranji dztenji. Seletten bute bute anlenji am’eng dakutenbe, anlen aninji ampara anrukkun riang lingan Gamangtungan a d’ong a rabangben asan tarublingan anurungan detabe, bar ettegoi tarda ayam Gamangtungan ampara anlen dakutenbe” (1 Thessalonikia 4:16,17).

Tanahimdam Kitungan a onagji, surpidamna do pintubenji do kanalkalbenji pengbale Kitung-lingan dakulen, do anab-bagu dayerna abmele oskaile dakunaba. Kansiman aulte ambrij adayerna abmele gadlambaji.

Okiy Kinolbe absele: “Butente kan a berna abmele sakkin tiyte Anin gamte, U u, Hen umengle yirtai. Amen. Iyai, Gamangtung Jisun!” (Anabpungge 22:20).