SEP 25 – THONA KUNSI HAAN KARENI

Geeder Grandh 121:6 Deeye thaavdon, raath chaand thona haan kareni.

Apan Dev Dinojako soganer vathevun jathanethi dallema rakaldatho janna apaner ankir asuvo khushithi bharan radacha. Kathra achethi Dev apanen deeyeman raathema sada haan navaju goklerocha kunike? Sasij Dev sovanaju ann aanki tamkareniju thavadethin chaandanethi haan vanaju jathan kareocha.

Aajer daadema dahrthima vathavaranam masaj badaljarich, thavado jada vethani manikya harobharo reesaru juaden sada kaatnakee jethi admi jammiper banchena vela karrecha. Yee jhaad naratho admir arogyam haal vejavacha kankren katho vaaru vesaru lelajako aushadhi maleni. Assa vagathema Devaj apanen jathan karnu lagacha. Apaner Devaj Sari srushtin maandojako. Kotyanu koti tharavun kerjer vaatema renu ken Pedakidoch. Vu Premkarvalo Dev cha thona kaklothi naavaju deklacha.

Hannoj Dever vathen samlanaju ken yishta vachko huner yistan puro karevalun Dev kanni jathan kareni. Jethij vachan hanno lakan Cha,      ( Levir Grandh 26:18, 19) Yesseji chalathoi tham Maar vathen na samaltho thamar paaper vodithi saath hasso daand dunchu Thar joren garabena haal karnaken, asmanen loyernai ann jammin pithalernai karnakunchu.

Pharo Yisrael janner laarethi Laal samundar dai ghoder rathmevum dalakarlen daasan arojanna Dev Egypt valena ann Yisrael valena vacha Dev vajaler godan aado melo, vu vaajal jesaru Egypt valen andaaro vethi ann Yisrael valen vu raath vajaalo vethi, jethij Egypt senavo Yisrael janner daisada ayer vikonivikoni ( Vimochamer Grandh 14:20).

Apaner Dev Vor Betibetavun rathan diye ankir pakodarnai jathan karacha. Diye Jada thavado maranju vajaler godan melan seelkal chendi dino anna rath vagath angarer godan melan Yisrael jannen chaandaner vodithi avajako haan kai na vaju Dev gokan chalayo.

Maar premer Dever beti betavo tham Yesu bapur dai athanu Vor pakodar het rastho thon kathi malenijako haraam malacha.

Ajji jada dhyan karen pado Geeder Grandh 91:4 Vu Vor pankethi thona burlacha, Vor pakodar het thu asro lechi;Vor sachayi thona daalan ghetyavacha.