Sep 24 – BADAYEBVALO DEV

2 Corinthivalun 9:8 Vajji tham soli mayee hamesha bharpoor vena, heryek aach kam karena, Dev thamar dai soli tharar krupana jada karevalo cha.

heryek aach kam karena, Dev thamar dai soli tharar krupana jada karevalo cha. Thona pedakidojako thar saru navvo krupan sada dekale vaalo cha.

Dever asa kai katho thu bharpoor renu ann soli ach kaam thar saru karnu kajakoj. Thu solima bharpoor renuken Dever krupana tharema jada karrocha. Daassek thaman ‘soli krupa’ katho kaiko soch kar. Thu haal navaju renu katho Dever krupa thon chavanu. Thu seva karnukathoi , Dever yistamena thar thuj havaal karlenu katho thon sreshtam chajako abhishek chavnu. Vachanema ghano tharar krupa chaju dekrecha

Apostler Pethru lakarocha, (1 Pethru 5:12) , ‘thamena seekvadi den, yee krupa Dever saaso krupaj kan prakat karuchu, yema tham ghat ro’. Athmik vodithi het padan haato vuncho vutecha katho vu Dever krupaj chodatho dossaro kai cheni. Yee Dever krupathij masaj sevakareval thees chaalis varsethi heta pardanaju mundagj jathe  seva karrecha. Yessey sevaken balayojako Dever vaath ann seva gokan abbethanu thaman chakatho vu Pavithar Athman lelinejegali mathamaj .

Maar baap Bhai Sam Jebadurai Yek hajar navsey satharan theen varesma vuj Dever Atmathi pakadago. Mar Baaper vumper bharpoor krupan dekalan Dever sevama 45 varsema heta padanaju vuncho hubadan  chalayo. Vu Devaj mar baapen genen dethanu soyethi jada athmik  kithabevuna lakken krupa dekalo. Aaj kalema sevakareval padajarejen dekan doosar saha padjarecha. Padjavthoi hubarathoi voseji Dever betibetaj ken malam karlunu. Kassek tharar vela thar sevama avathoi Dev hunena anki meechan kadathrama seni samor karnakacha.

Ajji jada dhyan karen pado 1 Corinthivalun 15:10 Athoyi ma kai venchuko vu Dever krupaj, vu maper vundayojako krupa taalo vokoni, hundema sethini ma ghano kasta kidochu, lapan ma koni, mar sather Dever krupaj yen kidocha.