Sep 22 – CHREESTHUN DAKHAALU

Mathayi 7:16 Vunder phalethi vunden tham malam karlocho. Kaanter bochkama angurer phalenan ghularer jhadema gorlir phalena thodunchu ka?

Seni malam chaju angurer jhaden angurer lagacha ann ghularer jhaden ghularaj lagacha. Kunsi jhadred huner phal kai lagachko vuj dacha. Jesaru Yesu Prabhu ko,Vunder phalethi vunden tham malam karlocho.

Thu kanna Yesu Prabhu na thar rakshakarnai balalechiko jannaj vutham angurer jhunder dakal dekach, vu angurer jhundo Kreesthuj. Tharema chajako juno jeevanen seni kanaken navvo karacha. Janathi thu Kreesthuthi sahavaamema rethanu ajjekeper jeevanema Vo Kreesthur parivarthan dekhalechi, ann thar jeevanema athmik phal bharpoor valkacha.

Apaner Yesu Prabhu kerocha, Mathayi 7:17-20 Hanuj heryek naach jada aacha phalena dacha, mand jada mand phalena dacha. Aacha jad mand phalena deni, hanuk mand jada aacha phalena deni. Aach phal denikako heryek jaad kaatan angarema phekajaye. Jethi than Hunder phalethi hundena malam karocho. Kuvatho yek jhad vor phalena dikalachko hannoj Thu sada ajjeker jeevanema Kreesthur rupamena vor dallena valkaju renu. Yesu Kreesthu dharathiper vetho janna Vor Baapen sey valkaju bancho. Vacha hanno lakan cha,(Hebrivalun 1:3)

Yee beta Dever mahima jhaankanen Vor swarooper sayan solina Vor thakather vaathethi samalatho, Vor vuj apaner paapen shudh karer pedakaran sethi vuncher mahima vaaler jamman pakthima betocha. Ajjek vachanema Yohan 14:9 Von Yesu Philip athra daad ma thamar sath ridothoi Thu manna malam kidokoni ka? Manna ditojako baapeni ditocha, hanu rethu Baapena hamena dakhal kan thu kim kerochi? Katho Yesu Prabhu ko manna ditojako Baapena ditojummaj.

Yek daad Dever sevak yek viswasir gharen go, votha dhani ann gonni doi ladai marrethe, jana pastor pucho tham kankaren ladai marrecho. Von samadhan hanno dine, gonni ki ‘pastor maar dhani gharema bhoothernai racha ann churchema Dever sojarnai racha. Jerpach, dhani ko, pastor mathoi churchima Dever sojarnai ruchu, lapan maar gonni gharema rathoi ann churchema rathoi bhoothernai racha. Vorsaruj Dever vath kacha, (Yakob 3:11-13) Yekkaj juri mathi meeto panin, kharo pani yekkaj jaagethi sangliyeka?

Maar bhayeeyo,  gulrer jhad volivar phalenan, angurer velli gulrer phalena diyeka? Hanuj kharo paanimathi meeto paani sangleni. Thamema genin kalevalo kuncha? Vu genethi shanthir sath, vor kamena aach chalethi dekaalanu. Mar premer Dever beti betavo thar sochema ann kaamema Kreesthun dekhalnu.

Ajji jada dhyan karen pado Aacharya 8:12 Samadhanen gurthu chajako angurer jhad phal dacha, jammi pakacha, Asmanethi hasso padacha, ye jannema migalejako sejini swsthyamethi saha vunen dunchu. Yeej Sainyamer Adhipathi Yehovana kerocha.