Sep 19 – Isor jun hi thik kure!

Psalms 138:8 jehovah pora rhik kuribo ami ke ji laga ase

Yate ami khan dikhi pai raja   David tai laga sob dukh khan Isor ke dishe aru shanati pora koi ki Isor pora hi thik kuri dibo tai ji lagai ase. Itu tu ekta bishi bhal aru sundor kotha ase tai laga Biswas tu janai dise. Jitya apuni, apuni laga dukh aru chinta khan sob Isor ke diye, Isor pora hi sob sai aru apuni ke itu te cholai kene loi jai. Pobitro kotha itu bi koi 1 peter 5:7 apuni khan laga mon arum on laga sob bhabna khan ke tai laga hath te charidibi kilekoile tai apuni khan ke morom ase.

Psalms 138:8 ami khan ke asha diye ki “Isor tu sob khotom kuribo”. Hoilebi it utu ami khan khata pora hi buji pabole  laga ase; asol te tu koishe ki “tai ki shuru kurishe tai itu sob tu thik pora hi khotom kuribo.” Bishi kam manu khan pora shuru kure hoilebi khotom kuribo napare, tai khan nijor laga alag alag karon pora. Kityaba manukhan tu tai khan bhabona kura bi aru badly kurre. Hoilebi Isor laga kam te tu kityabi inika nahoi. Tai tu adha pora kam nachare. Tai tu manu nishina nohoi jun hi bhabona badly thake. Job laga kitab te, ami khan dikhi pai Job pora manu khan ke janai itu verse pora: job 42:2 ami jane apuni sob kuribole pare, aru apuni ji kuribole ase itu adha pora apuni narukhai.

Nirman kura laga kahani te, Isor pora ami khan ki lage tai sob tu dishe. Manu ke nabana agete bi tai bhabna kurishe ki ki lagibo pare manu  ke itu sob tu 5din te tai banaishe. Tai suraj, chand aru tara khan banaishe manu khan ke ujala dibole. Tai gash khan banaishe juntu phalgutui dibo, chiriiya khan akash te uribole aru mas khan aru itu nishina alag pani laga jontu khan pani te haturibole aru sob janwar khan. Itu khan sob bana pichete hi tai manu ke nijor laga Chaya hisab te banaishe. Manu karone kiman bi dangor aru dhonyobad laga kotha ase?

Khali nirman kura laga ikla nohoi kene, hoilebi tai thik pora tai laga kam tu khotom kurishe krus te jai kene. Tai khun phelaishe tai laga, daan dibole ami khan laga pap nimite aru itu hi hodai din karone manu laga jibon te pap laga daan Isor ke dibole hoishe. Tai amikhan karone jokhom hoishe, tai amikhan karone gau te mar kha laga dagi bukishe kile koile amikhan atma laga bimar pora bhal hobole. Tai satan ke chipai dishe, amikhan jitia laga jibon thakibo nimite. Itu tu tai sob kam thik pora kruste khotom kura nimite hi ase. Kruste tai mora homoite koishe, “khotom hoishe”, aru tai laga atma tu Iso ke dishe.

Tai itya swarg te ase, tate bi ami khan thakibole laga jaga tayari kuri ase. Jitya itu prithibi 6din te banai diya iman sundor ase, ami khan kitya bi bhabna kuribole naparibo ki kiman bi sundor hobo ami khan swarg te thakibole laga jaga tu juntu tai 2000 sal pora tate banai ase. Oh Isor laga bacha khan ami khan laga Isor tu tai ase jun he sob kam thik pora banai aru khotom kure, amikhan laga hodai din laga jibon karone bi hobi.

Aji bhabna kuribole laga pobitro kotha tu hoile Phillipians 1:5,6 kile koile apuni milli thaka itu khushi khobor logote shuru pora itya tok, aru itu kotha te hi Biswas pora ase ki tai jun hi itu bhal kam shuru kurishe apunike, tai hi khotom kuribo Jisu Krista naha laga din tok.