Sep 19 – SAMMOR KAREVALO DEV MARO DEV

Deveeder jeevanema dekhatho von chajako seji bhaarina Dever vumper melan vu keni khyaal kidokoni. Thu khyaal karnu kelerojako seni Dever vumper melnakatho Devaj voseyni Deklacha. Dever vachan hanno lakaan cha, (  I Pethru 5:7) Vu thamar baarema haayi karajethi, thamar baadana sey Voper meldo. Geeder Grandh 138:8

Yee vachanema Dev dher puro karacha lajako sparsh malamvacha. Agadiyar anuvadmema hannu cha , ‘ Dev kaivatho arambh kidochko vun bharpoor karnakacha’. Ajakal manikyan arambh kareroj malam lapan kunasko yek karanethi von puro karer hathayeni. Nannnan sochen manikya hannoj thamnaken arambh kidejachko sey pranalikavuna puro kareni.Lapan apaner Prabhu vachemaj thamevalo koni Von puro karevalo cha. Yober Grandh  42:2, vachan kacha ‘ Thu solin karevaloken Thu keldojako yekthoi nishphal vikonthiken manna abba malam karlinochu’.

Srushti kido jannaj Dev apanen kai chavnu ko sejini mundagaj karnako. Manikyar avasaramen peder hunen sadyavajako seni angaj srushti karan manikyar mundag lamelocha. Surya, chandra, tharavun  manikyan vajalo devasu srushti kido. Voma jhaadena phal devasu, pakshivun valema vadena, machalivo panima peru marena, ann sogali jeevarasivun peda kido. Yeseni srushti kido jerpachaj manikyan Dever rupamema srushti kido just dekancha. Yee manikyan kathra mot ascharya ann kathra nasheebdar kunike.  Srushti kareroj koni lapan ​Calvary Siluvaper manikya saru karnujako kamen bharpoor karan dekhalnako. Apanen paapethi chodayevasu Vor anmoler loyeen redan vinvuj bhokano vethanu apner vasu Prayashchith karnako. Apan kidejako athikrame vasu Yesu ghavo kaado. Apan vaaru vesaru Yesu baapu marakado. Apaner jeevanema larer hadkarnai chajako sarapethi chodayevasu Yesu matheper kanter kireeta ghalalido.Apan jayamero jeevano banchevasu, sataner mathen thonako. Calvary Siluvaper Yesu yekkoli jaag cheniju soli kamena maikya saru bharpoor karnakocha. Yesu Siluvaper hanno jayamer hakkamethi ko, purovegoken ghato barkathanu Vor Athman Bapena haval karlino.

​Abba apaner saru hariyar bagema shaswith gharena bhandrocha,  6 dadema kidojako yee srushtij athra sunder vencha katho samjo ajji kathra sunderethi 2000 varasethi ku bhandaro viye.  Mar premee athra sammorethi puro karevalo Yesu Dev ajji kathra jada hariyar bagema shaswith rervasu thayyar karroviye  kunike.

Ajji jada dhyan karen pado Philippivalun 1:5, 6 Thamema aach kaamena suru kidojako Yesu Christhur daadethanu, vona puro chalayekan ghat nammuchu. Ma thamena harde lavujannasey, mar Deven sthuthi karunchu.