Sep 18 – DEV MANNA KIDOJAKO SOLI AACHPANEVAS VONA KAI DU ?

Geeder Grandh 116:12 Yehova manna kidojako soli aachpanevas, VONA kai du?

Bhokaner dall katho Prabhu na masthu pasand vacha. Apan lidejako a her yek aachapanen bhoolanaju Deven dhanyavaad kemajanna Dev bharpoor ashishen thar vumper talaavacha.

Daveeder kahani saasij nankis jaageparethi  masaj mot jageper Dev hubado kan dekancha. Daveed yek samanyaro Gollavarya venrojen Dev Yisrael deshenaj mahan raj resaru vuncho vatado. Dev Daveeder velar vagathema hamesha saath rethanu ,sema chodan vuncho padan kolacher venijayhra ashish kido.

Yessejini Daveed bhokaner dallethi keni bhoolanaju hardelalino. Yisrael jannen sada hakkamethi kerocha tham seji Deven dhanyavaad kenu,  (Geeder Grandh 136:23) Apaner Gareebepanema apanenena hardelayojena stuthi karu;Vor karuna hamesha racha. Yeej roshamethi Daveed yekdadema 3 kaam karnu ken theerman kido;

1. Ma Deven aradhana karuchu: Geeder Grandh 116:1 ” Rakshanar kacholina vuncho pallen YEHOVAR namena dhokdunchu”. Aradhana kajako vather artham moondi het vaalan Deven stuthi Karan Von sanman karan, mahima karunchu. Apaner Dev maan sanmaan karena, aradhana karena chaajevalo cha. Vu apanethi aradhana pavanuken yeduru Dekharoch.
2. Dhanyavaader bhokano ma Deven dunchu; Geeder Grandh 116:17 “Ma Thona daller stuthir bhokanena den Yehovar namena dhokdunchu”. Yetha Daveed malamkarlido kunas asheesh layer bhokano ? Vuj apaner hotemathi anandethi avajako dhanyavaader bhokano. Vonaj Dev pasand kategalo cha.

3  Ma prathigna kidojako vathen pooro karuchu; Geeder Grandh 116:14 “Yehovana ma chada vuchukan manlidojako bhentena, Vor janner sera samakan chadavunchu”. Yee vachanema Daveed gachah gachab vor hotethi Deven sthuthi kidokoni lapan vu prathigna kidojako vathen pooro karan ghatto dallethi Deven aradhana karen nishchay karlido.

Dever vachan hanno lakaan cha, (Gener Grandh 3:9, 10) ” Thar asthithin, thar agadiyar phalethi YEHOVANA maan kar. Jana thar kotadi bharpur bharavacha; Matlassey angurer rassethi bharan vupamacha”. Mar premer Dever beti betavo aaj Dever hathethi thu lelido jako her yek asheeshena palisojako sena hardelalena Deven stuthi mahima karnu. Jannaj ajji ghano asheeshena thar vumper talaavacha.

Ajji jada dhyan karen pado; 2 Corithivalun 9:8 Vujji tham solimayi hamesha bharpoor ven, heryek aachkam karena, Dev thamar dai solitharar krupana jada krevalo cha.