Sep 17 – MATENG PIBIBA ISWAR!

“Eigi oinadi, eina Iswarda koujarani, aduga Jehovahna eibu kanbigani. Numidangwairamda,ayukta amasung numit yungbada eina koujagani amasung laojagani, mahakna eigi khonjen tabigani.” (Psalms 55: 16,17)

Eikhoibu  tasengna pangbiba ngamba adu eikhoigi Prabhu Jesu Christani. Eikhoi mioibagi hounasadi awaba taba matamda misinggi mateng niba haibasini. Adubu Bible na haibasi mioibagi mateng di kannadabani. (Psalms 108: 12).

Eigi Ipa leikhidraba Bro. Sam Jebadurai aduna mahei masing tamba loisillakpada mapa ipu aduna mahakpu aphaba school da kahanba ngamlamde. Maramdi ipu adu thabaktagi pottharamkhre. Adubu eigi ipugi mamannaba amana eigi baba bu Chennai da laklabadi thabak ama soidana pigani haina wasakkhi. Laibak thiduna mahakna eigi baba adu mateng kari amata pikhide adubu Chenna gi sahar aduda hundokkhi. Eigi baba na numit khuding thabak phangnaba koithi thikhi aduga akonbada mahakki senthum su loisillakkhre. Mahakna sen yaodana sahar da leiba adu yamna wakhi.

Numit kharani gi matung da mahakna chak lamduna chokthabaga loinana sorokta chatpa matamda mahakki machin manao nipa adu lambi aduda chatpa ukhi. Mahak adu Chennai da phajana leibani aduga mahakna sarkargi thabak su toubani. Eigi babadu yamna haraokhi aduga mahakki awabasing adusu koklagani haibasi mahakki asani. Mahakna mahakki machin manao aduda chensinkhi adubu yamna nungaitaba adudi mahaknasu karimatasu mateng toubide.

Mioibagi mateng loinamak maithiba matungda mahakki thamoi kairaga leire. Mahakki awaba nungaitaba khudingmak Iswarda kaplaga phongdokkhi. Maduda gi mahakna mioibagi mateng niraroi haina warepsu loukhi. Mioibagi mateng asidi arembani haibasi mahakna khanglakkhi. Mahakna Iswarbu thiba henna henna hotnarakkhi. Aduga madugi numittudagi houna Iswarna mahakki punshida  ahongba lak hankhi. Maduda mahakna Mathematics ki oja ama oinaba thabak amasu phangkhi. Aduga loinana Iswarna mahakpu Income Tax Department da thabak amasu pibikhi. Iswarna mahakpu asum asum thanggatpikhi.

Aduga chahi kaya gi matungda Iswarna eigi baba adu mahakki thougan tounabagi damakta koubire. Aduga Iswarna mahakpu thawaigi oiba lairik kaya iba ngamhankhi. Aduga Iswarna eigi baba adu jati mapham kayada Iswargi wapao adu sandokpa ngamhankhi. Khudingmak asi Iswargi mateng dagini. Nungshiba Iswargi machasing, nangsu madugumlaba awaba thengnaramba yai. Nanggi mateng pinaba kanasu leite haina yamna warambasu yai. Iswarda koujou. Mahakna nanggi khonjel tabigani aduga nanggi awabada mateng pirakkani.

Dhyan tougadaba: “maramdi anangbasingna pangbinaba  koujabada mahakna mahakpu kanbigani, lairabasingsu amasung leitraba mahakpusu.” (Psalms 72: 12)