Sep 17 – Isor jun hi modot kure!

Psalms 55:16, 17 aru ami laga kotha hoile, ami Isor ke matibo; aru Jehovah amike bachai dibo. Samte aru phujir te aru dinte ami prathana kuribo, aru jor pora kandibo; aru ji hoilebi tai ami laga awaz hunibo.

Ami khan laga Isor hi ase jun amikhan ke dukh te modot kuribo. Jitya bi apuni dukh te ase, itu manu laga adot ki manu ke modot mange. Hoilebi pobitro kotha te sapha pora koi ase ki manu pora modot lua tu bekar ase. (Psalms 108:20)

Jitya Late sam jebaduari tai laga kitab porha khotom kurishe, tai laga baba tu agete aru porhabole napara hoishe kile koile tai laga baba tu retire hoi kene thakishe. Hoilbi itu baba laga ekta dost pora taike Chennai te ahibi, taike kam dibo. Hoilebi, itu manu tai Chennai te pungcha pichete iku kam dibole paranai, aru tai iman dangor nagar ini berai thakishe kam napai kene. Hodai din itu baba tu kam bisari thakishe, aru joldi hi tai laga poisa sob khotom hoi jaishe.  Tai bishi dukh pora iku poisa nathaki kene bi itu iman dangor nogorte thakishe.

Ollop din pichete tai kitya bukh te rasta te berai thakishe, tai achanak pora tai laga sathi ke dikhishe olop dur te itu rasta te hi. Tai laga sathi tu tu hoile sarkari kam thakishe aru bhal pora hi Chennai te thaki thakishe. Itu baba tu taike dikhi kene bishi khushi hoishe ki itya tu tai laga dukh sob khotom hobo aru tai kam tu pai jabo. Itu baba tai laga sathi piche piche jaishe  hoilebi tai iku modot  nakuri kene jai jaishe.

Jitya tai manu ora modot manga tu tai napa hoishe, tai mon pora bhangi jaishe. Tai bishi dukh hoi kene Isor ke modot mangishe aru kandi kene prathana kurishe. Aru tai inika  bhabna  bi kurishe ki tai manu pora aru kitya bi modot namangibo. Tai bishi Isor ke bisaribole hoishe. Aru Isor pora tai laga jibon te kam kuribole shuru hoishe. Utu homoi te tai ekta school  te mathematics teacher laga kam paishe. Aru lolop pichete Isor pora taike Income Tax Dept te kam dishe. Inika hi Isor por ataike uthai thakishe.

Aru bishi sal pichete Isor pora taike ministry kuribole matishe. Aru Isor pora tai 100ta Isor laga Biswas laga kitab likhibole bi gyan dishe. Itu baba pora hi tai laga lora ke bi gospel laga prachar kuribole bishi modot kurishe. Itu sob te Isor hi thakishe jun hi taike modot kurishe. Oh Isor laga bacha khan , aji apuni bi inika laga biya homoi te hi  thakibole pare. Apuni bi mon te bishi dukh loi ken ease pare aru kun bi modot kuribole nai. Isor ke matibi. Tai apuni laga awaz hunibo aru apuni ke dukh te modot kuribo.

Aji bhabna kuribole laga pobitro kotha tu hoile Palms 72:12 jitya modot nimite tai logote jai kene kandibo titya tai modot kuribo; dukhia khan ke bi aru jun manu khan ke modot kuribole kunbi nai tai khan ke bi.