Sep 16 – PRABUN KHATHAR AVAJU KARO

Geeder Grandh 41:11 Mar vyaariyu manna jeethenijena deku jana, maaper thona khaathar chajena ma valkunchu.

Apan kannaireda Prabhun khathar avaju banchanu. Tharo prarthana ‘ Baapu thon khathar avju kai karnuko manna sikhada’ ken hamesha hanno renu. Ma kaikarutho Deven khathar viye ken dhoondan, Deven tharo chalanithi premen dekhalnu.

Apaner pad dada Yakob Rahelen prem karesaru kai denvathoi laar gokoni. Laban kajako vor mamar dai Rahelen prem kido jesaru paran von vayaa karesaru 14 varas yek bayar nai kaam kido,  sovanaju visranthi cheniju gorlin charayo  bhari velar kam kido( Agadiyar Grandh  29:18) Yakob athra vela karen kaaran kaikatho vachan kacha,( Agadiyar Grandh 29:17) Rahel  rupamema sundari ven ra. (Agadiyar Grandh 29:20)  Yakob raheler vasu 7 varas Bayavetho. Vu Rahelen jada prem kido jegali vo daad Yakoben masaj kam ven chaju dikayo.

Richard Umbrand kajako yek pastor Deven khathar avaju Banchojesaru 14 vars vona  bandi khana ma ghalethe. Vu Dever seva karevalo  manna Dev chayeni kovatho vo sevakan kannathoi jailemathi bhaar kanakacha. Lapan Dever sevaka katrha marakhado thoi, vela padothoi, ankeer hasu redan khamo jesaru  14 varas aakhreer daadema Dev vothi vaathey kido, (Hoseya 12:12)’ Maar premer beta thar dakalaj Yakob sada vor mamar dai 14 varas vu prem kidojako Raheler vasu baya vetho janna vu daad Yakoben masaj kam daad ven dikaye. Lapan thu mahan Dever mahima vasu velakarrochi’.

Apaner Prabhu Yesu dakalaj  Vu Baaper khather karnu ken siluvana pade vasu Von Vuj havaal karlino. Yesu Prabhu vela paden, ann bhaveti payevasu sada hoto gokoni. Yesu Prabhu Deven ghano khathar vaju renu kethanu matheper kaanter kireeta paralen, haathema ann taangema keele maralen Calvary siluvama Vor aakharir loyeer chukkan sada renako.

Biblema lakan cha. Philppivalun 2:9-11 Jethi Dev soliper Vona vuncho karan, Yesur namema swargeran, dharthiran, jammeer het chajer haryeker godi vaalenan, Baap Deven mahima venam, Yesu Christu  Prabhu ken haryek jeeb prakat karena, sey namethini vuparer namena Vona dino.

Maar premer Dever beti betavo thu puro dallethi Deven kahathar vaju banchnu katho Thar jeevanema avajako kaklothi red velabhaveti rathoi vuseyji thon kai bhaari dakal dikayeni.

Ajji jada dhyan karena Darshaner Grandh 2:10 Thona avajako bhavetina chamakmath!; Yidek tham parichovena bhooth thamema thodsekena khadema ghalacha;10 daad bhaveti padocho;pan thu mothethanu Saspanethi ra;janna jeever kiritana thon Dunchu.