Sep 16 – Taike khushi kuribi

Psalms 41:11 ami laga atma, ami kile iman mon dukh kori kene thakishe? Ami laga bhitorte kile iman digdar ase? Ami laga Isor uporte ami laga asa khan ke rakhi kene ase; amike bachai diya Isorke ami arubi ekbar uncha kuribo.

Hodai din tayar thakibi, Isor ke khushi kuribole. Apuni khan laga prathana tu hodai din: amike shika bi ami kinika apuni ke khushi kkuribo. Itu hi thakibo lage. Bisari lobi ki kinika Isor ke khushi kure, aru apuni laga morom tu apuni laga adot pora hi dikhabi.

Amikhan laga bura baba Jacob, tu Rachel ke kiman bi morom kure, ki tai sob tyag  kurishe itu morom karone. Tai Laban karon 14 sal tok naukar nishina kam kurishe. Tai Laban laga bhera saguli khan saishe aru tai laga mehnat tu narukhi kene kurishe. (Gen 29:18)

Inika dukh pora kam kura karon tu itu verse te dikhi pai, Gen 29:17 rachel laga gau tu sabole  bhal ase aru tai bi bishi sundor ase. Gen 29:20 jacob Rachel ke sadi kuribole nimite 7 sal tok kam kurishe, aru itu pura homoi, tai nimite tai nimite olop din nisina hi lagise, kile koile tai  Rachel ke bhal lagi kene asile.

Pastor Richard Umbrandt tu bishi dukh laga din te thakishe jail te 14 sal karone, kilekoile tai Isor ke khushi kuribo koi kene bhabna kurishe. Tai Isor lagan am ke inkar kurishe koile taike jail pora kitya hoilebi ulai dibo thakishe. Kijani tai misa koishe koile, nahoilebi kiba biya kooishe koile taike chari dibo thakishe pare. Hoilebi tai laga mon te toh tai banai loishe ki tai Isor ke hi khushi kuribo, kiman dukh paile bi. Tai 14 sal pichete jail pora ula homoi  te tai laga mon te Isor pora ekta verse dishe, Hosea 12:12 amikhan laga khandan laga baba, Jacob Mesopotamia te polaishe aru tate tai ekta maiki pabole nimite dusra  manu laga kam kkuribo lagise aru utu dusra manu laga bhera khanke sa loa koribo lagise.

Amikhan laga  Jisu Krista ke sabi. Tai khali tai laga swarg laga baba ke khushi kuribo nimite tai krus tea mi khan karone uthishe. Tai amikhan karone dukh khan pabole ahishe. Itu tu kile koile tai bishi mon thakishe Isor ke khushi kuribole, tai kata mukut lagaishe, aru gujhal pora hath theng te chenda hobole dishe, tai laga sob khun krus pora giri khotom nuhua tok.

Itu nimite Pormeshwar pora taike sobse unch kurishe aru taike ekta nam dishe juntu sob nam pora uncha ase, ki itu prithibi te , swarg te sob ghutna te ahibo tai lagan am muk te loi kene. Phillipians 2:9-11

Oh Isor laga bacha khan , jitya pauni bi mon te icha ase, Isor ke khushi kuribo koi kene, iku porikha aru dukh homoi apuni ke rukhabo naparibo.

Aji bhabna kuribole laga pobitro kotha tu hoile,Revelations 2:10apunikhan ki dukh pabole ase itu nimite bhoi nohobi. Hunilobi! Satan apuni khan ke porikha kuribole nimite apunikhan ke jaila  te dhalibo. Hoilebi apuni khan laga dukha khali dos din tok thakibo. Moribole jailebi amike thik pora Biswas kori kene thakibi aru ami apuni khan ke inam laga jibon dibo.