SEP 15 – Thik Kuribi!

1 Kings 18:30 titia Elijah manu khan ke koishe, “amilaga usorte ahibi” aru tai khan sob Elijah ke gol kori kene khara hoishe. Jehovah laga juntu puj laga jaga ke bhangai kene girai disile utu ke arubi thik kurise.

Jitya Elijah puja laga jaga tu bhangia dikhishe, tai laga mon tu Isor karone bhorta hoishe. Aru tai laga dimag itu thik kuribo koi kene bhabna kurishe.

Puja kurai laga jag tu inika ase jote manu Isor ke lok pai. Apuni laga atma bi ekta puja kura laga jaga nishina ase Isor laga suku te. Aji laga din te apuni laga atma aru jibon tu Isor laga suku te ki ase? Itu jaga tu bhangi ken ease naki? Apuni laga rishta Isor logote thaka tu aru pobitrota tu bana bole lagi ase naki? Itu homooi te, apuni laga jibon tu di kene apuni laga atma tu Isor laga mondir banabo koi kene di ase kooile, Elijah laga Isor pora hi apuni logote pobitro atma laga jui pathabo. Apuni laga mon laga mondirtu Isor laga pobitro atma laga jui pora thik kuribo paribo.

Revelations 2:5 apuni khan kote pora girise bhabi bi! Apuni khan laga pap khan ke chari dibi aru poila ki kori asile  itu hi koribi. Apuni khan pap khan ke chari kene kooile ami apuni khan laga bati rakhia jaga pora bati khan ke loi jabo.

Puja kura jaga k eke thik nakurile, Isor laga pobitro atma laga jui tu ahi kene daan kura saman khan ke Isor nalobo. Itu nimite Isor laga mondirtu thik kuribole lage. 1 Corinthians 11: 28, 29 itu nimite sob manu nije ke bhal pora bhabona kuri kene tai laga monte ki ase itu jani kene, itu laga pichete hi  utu riti kene aru utu pani ke khabole lage. Jun manu itu ruti ke kha homoi te,Isor  laga gau laga motlob ke bujia nai, tai kha homoi te nijor laga sajai laga phaisla hunaise.

Sal 1903, Evan Roberts tu ghora laga piche te buhi thakishe, wales te prachar kuribole jaishe. Majote: ami laga chokra, kute ase, nijor ke sabi, age naja homoite. Kunuba jaga khan ase, jitu thik nai. Poila itu khan ke thik kuribi, itu pichete hi prachar kuribole jabi aru apuni bishi dangor revival kuribo paribo.

Itu homoi te hi itu manu rukhi kene 3 ghonta prathana te Isor logote thakishe, aru tai laga mon sob loi keneIsor ke dishe. Aru tai Isor pora tai laga mon badly kura tu mehsus kurishe. Itu pichete tai kitya bosti te jaishe, tai laga prachar te ekta alag Isor laga atma ahishe aru pura homoi te Isor laga ashirbad te thakishe. ​Oh Isor laga bacha khan, Elijah laga Isor pora tai laga pobitro atma laga jui tu pathabo sob thik kuribole. Toh apuni nijor laga gau laga  mondir, apuni laga monk e thik kuribole mon ase na nai?

Aji bhabna kuribole laga pobitro kotha tu hoile 1 Kings 18:38titia Jehovah upor pora jui pathaidise, aru pura mangso khan ke, khuri khan ke aru pathorkhan ke jolaidise, mati ke gorom kori dise aru nalate thakia pani khan ke sukhai dise.