SEP 14 – A RENENGANJI A JAITAN!

“…Gamangtungan bara-nam a j’o ti-amte do Gamang Kitungan a renenganji a jaitan a badturnaben asan aman yirai. Anin d’ong-nam barij uhulkuijan ti-amte” (Rut 2:12).

Angate amben ayirtai Gamang Kitungan a renenganji a jaitan a badturnaben asan, Anin bara-nam a j’o ti-amte. Angate amben abdturten Kitungan amang-lingan, Anin kan ambrij abmete do mandranji ja asuyuman yangtabe. Rut abmele amben ja agalamte. Anin aboi Moaban a inslon dakule, ayengan abirinda timyimle kun ate Israel saring ayiraite ate, do tikki anin kun as’ing-ling koiboi dele. Bindo as’idrungan er man’oih dakule, gamlenden a tanongba abs’iedle.

Bibolan gamte kan ambrij angate anin atanongba abs’iedle, anin Isarel a Kitungan amangba aj’ee ladgadle gamle. Anin Gamang Kitungan a renenganji a jaitan a badturnaben asan hen yirte gamle sibdainete. Kun ayam adanuka-lingan, ausaltam-lingan ijaja onoblingan adakuad. Anin agaja Israel a Kitung abmele ijaja adgamad.

Bagu a pasijanji as’iedling atikki Moab amangba, Noyomi deadeling Israel yernete. Akundran-ling akoinan, Noyomi aberna amdangle Moab as’ing-ling dakunete. Rut do Noyomi bagunji adakunabe itsumleji. Kani na ate angate kinoltabe anlen galamle raptitabe: “Bindo Rut gameten. D’ong-nam omdale a yarben asan geterloge baigdongih. Iten asan gamlenden uante aman yerte, hen tette yertai, uante aman basute, hen tette basutai; Mandra-namji na mandra-henji de-eteji, Kitung-nam na Kitung-hen de-ete” (Rut 1:16). Kuddub kanalkalan dakuleja, anin Israel a Kitung-ling derder-ling do badtur-ling dakunete.

Nami janang, iten deleja akanalkalanji, itedeleja atanunjinganji, Kitung-lingan adakunabe dete. Anin agaja adkaridae butente a renenganji a jaitan a badturnaben yirtaji. Butente a d’ong abgugute Anin aninji a d’ong abgugute. Bo maneng Rut a mandrengna-ling adanuka, Kitungan a d’ongan tabme mandrengna do tabme anabsitan tiyle. Do derna maran Boyajon amandrengna-lingan abjurdile.

Raja Daudo janang gijtabe, kan ate Rut saring ayirlaihji ate. Kitungle Jisu Kristun, janang Judan saring karudkadan dele. Kitungan aitsuman dakule kuddub kambo-olan Rut saring deben dete gamle, karukudan saring aboi inslon. Angate Gamang Kitungan a renenganji a jaitan a badturnaben asan yirtabe anabsitan, erabjungdage erahidan asanaisai hangtabe gamle.

Tanahimdam Kitungan a onagji, Kitungan abadturlen dakunaba. Kuddub kanalkal-lingan orde kuddub sanaisaijan ayam-ling. Eliya ayamling janang a Kintung, Ayob amandrengna-ling jab o tardin absitale, kuddub danuka-lingan do arasuda-lingan kuddub-lingan absitalangten.

Okiy Kinolbe absele: “E ansalo on-hen, yante gamle aman banangsan dete, kana san abo baritunasingan erre guije hen adsaijai po?” (Rut 3:1).