Sep 13 – THUJ SOLINA BANAYO

Darshaner Grandh 4:11 Prabhu hamaro Dev, mahimanan, ghanathanan, thakathena lena chajevalo chi;THUJ solin banayo;Thar Khathrethi vo vegijakon srusthti vijako cha kanna ke. Yek grandhen lakkojako vor rachayithan malamkaraju apaner Prabhu Yesu Sari srushti kidojako rachayitha vencha. Kanna thu srushtir vodi adhyayan karechiko jannaj srusthti kidojako Dever gun kaiko malam vacha. Geeder Grandh 19:1 vachan kacha Asman Dever mahimana malam karacha;aksher mandal vor hather kamen prachar karacha.

Thu suryan dekatho vor thejethi jada von srusthti kidojako Dev ajji kathra jada jankroviye konike. Suryan jankaju karro jako Dev ajji thon katra jada jankaju kariye? Kathra moto vaath kemlech Bible mai, Asman Dever simhasan ann darthi vor pager peetya vencha? Kathra dayavalo Dev chajegali vu ach manikya per ann balla manikyaper bee panin melrocha.

Bible vachan kache, Romavalun 1:20 Kimkatho dakayenijako Dever shaswith joran, Dever gun kajako srusthti vijema, darathi pedavi jannathijannathi aacho dakavacha;jethi vo kaithoi ken jaga cheni. Apaner kaam kakatho Dever moto jeren ann vor motpanen aradhana karan sthuthi karnu. Vachan kache, Geeder Grandh 48:1

Yehova mahan cha ; Vu apaner Dever shereman Voro Pavithar dhadiyaper ghano sthuthi payevalo cha. Ajji Bible mai lakkan cha Geeder Grandh 100:4 Vor darvajema sthuthi karthe javo, Vor anganema geed bolthe, Vona sthuthi karan Vor namen mahima karo. Thon kathra moto khusi viyekonike kanna thu soner asmaner darvajemathi  maaima Jathanu Deven sthuthi karero. 1 Corithivalun 13:12

Abba kachema chendir nai dekaancha; janna yekker munden yek dekiya;abba thossekaj malam, janna ma malam karlajer nai puro malam karliyu. Thar ankir aasu lurathanu ,anandethi khushi payechi.

Maar premer Dever beti betavo thar dallema yek ghatto karlo , ma Deven kannai sthuthi aradhan karnuken. Dharathiper kannavatho hanno karechiko jannaj hariyar baagema sada hamesha Sthuthi aradhan karukarechi.

Ajji jada dhyan karen; Yesaya 35:10  Yehovathi Chodamlejako geeden bolthey Seeyonen paran hoto avacha huner matheper hamesha anand racha. Vo anandethi santhoshmethi rethanu hoto avacha.