Sep 12 – KANNA APAN SAMMOR KARLACHAKO

Hebrivalun 12:9 Bujji apaner jeevadar Baap apanena shiksha dinejanna, apan vundena chamkan chaleju, apan banchan rena Athmar Bapena kathraiko jada dab sabban chalnukonike.

Apaner Dev kannai apanen sudo karevalocha, Vu Dev Vor Pavithar swabhava dethanu thu labha pavnuken asa karacha. Dev sudo karajako  abba thon malamveni lapan avajako dadema vu thona paaydo vacha ann niyather shanthi malacha.

Yee jammiper abbethanu kunasi katmalo red manikya red vela bhaveti padeniju cheyanthi. Dever vaath kacha Neethidar vela padukaracha. Thar sochen sada ascharya vacha Dev manna kankren vela ghalroch, mar jeevanema vairee kankren mar virodhvagi  hubrecha.

Nevkareval nayaker Grandh 3:2-4 Israeler valadevalen katho agadiya Yudhamen detekonijen yudha kerer sikayervasu…. Yehova Moser vodithi huner Bapevun dinojako agnavuna patinchachko patincheni ko malamkarevasu Yisraelevalun pareeksha karena vo jannen rakhado. Yee vachanethi Apan seekhajako kaikatho, Dev apanen pareeksha karena paakthimaj vaireena melmelacha. Assa vairivuthi doorjavnukatho Deven vinathi karnu Yirmiyan sogan khado ju 33:3 Manna hakmaro thamen vuthar dunchu ann thamen malam chenijako ragasyamen malama karuchu.

Samunder paniper ala vuncho vutaju paran heta dagar javju Dev vela cheniju jeevano deni lapan voj tharangameper yeed marlen javnu ken apanen sammor karroch. Dever vavhan kacha Geeder Grandh 144:1 Mar hathena yuddenan, mar anglina yuddamena seekvaadi dajako mar banda Yehovan sthuthi veda. Yetha ‘haath’ katho hapan karrejako kaam, ann angli katho apanen malam chajako akkaler gen.

Maar premer bhai bando vodjathaju jeevanen samor karler verikonike atho samunder paniper tharangamen yeduru jaan yeed maran jeethaju thon Yesu Christhu sahayam karacha.

Ajji jada dhyan karen Darshaner Grandh 22:11&12 Anyayi karevalu vujji anyayi kareda; Apavithrevalo vujji apavithra veda; niyather vujji niyathen kareda; pavithrevalo vujji pavithra veda. Yidek- jhaldi arochu;voru voru kamer vodi vonvona Ma dero phalena larochu.