Sep 13 – Apuni hi sob nirmaan kurishe!

Revelations 4:11 ami laga malik aru Isor! Apuni ke Shakti, sonman, aru tagot dibole lage. Kile koile apuni hi sob saman khanke banaise aru apuni nimite hi itu khan ahishe aru jibon paishe.

Sob saman jiman bi Pormeshwar pora nirmaan kurishe, itu kitab te kun likhishe tai laga kotha ke hi koi. Jitya apuni tai bana laga khan ke bhabna kuribo, apuni jani pabo ki Pormeshwar laga adot ki ase. Psalms 19:1 akash kiman bhal pora Isor laga shaki ke dikhaishe !kiman sida pora dikhai dishe tai ki korishe.

Apunni jitya suraj ke dikhi pai , apuni khan bhabna kuribo pare ki Isor laga Shakti tu kiman bishi hobo, jun hi jui thaka laga suraj banabole parishe. Tai jun hi puhor tu iman dangor prithibi ke suraj pora dishe, tai apuni laga jibon ke kiman bi ujala kuri dibo pare? Itu Isor kiman bi Shakti thaka hobo jun hi koishe, swarg tu tai laga rajyo ase aru itu prithibi tu tai laga theng rakha jaga? Kiman bi morom thaka laga Isor hobo jun hi barish tu sob ke bhal biya khan ke ek soman diye?

Pobitro kotha te koi Romans 1:20 prithibi banabole laga homoi pora, tai ke suku pora dikhibole naparile bi, tai bani diya saman khan pora tai kiman dangor ase aru tai laga kiman bisi tagot ase bujaidishe.itu pora polabole naparibo.

Apuni laga kam tu ase tai ke mahima kuri kene nam uncha kuribole. Pobitro kotha te koi Psalms 48:1 Jehovah bishi dangor ase, aru tai lagan nagar te tai laga namke bisi uncha kuribole lage, aru tai laga pobitro pahar te bi inika hi kuribole lage.

Kile koile Isor aha tu bishi usor ase, itu nimite tayar hoi kene thakibi. Psalms 100: 4 dhonyabad jonai kene tai laga mondirte ghushibi, tai lagan am ke uncha kori kene tai laga dorbar te ghushibi. Taike dhonyabad janabi aru tai laga namke uncha koribi.

Apuni khan bi kiman bi khushi hobo jitya apuni itu sona laga nagor te ghushibo, swarg laga nogorte.  Amikhan t uses laga homoi te usor ahi ase. Aru itu prithibi laga sob bostu amikhan ke amikhan laga nirman kura Isor usorte jabi koi ase. 1 Cor 13;12 itia amikhan ki dikhaise, itu khan sob ekta aina te halka pora dikha nisina as; hoilebi ekta homoi ahibo, jitya amikhan usorte khara hoi kene sabo.itya amikhan ki janai ase olop solop hi ase; hoilebi titya sob jani jabo; jineka Isor amikhan laga sob jani ase.

Oh Isor laga bacha khan, Isor apuni khan laga mon hi lage juntu tai ke mahima kuribo aru tai ke sheva kuri kene khushi te thakibo. Jitya apuni khan mahima kuribo itu prithubi te haka homoi te hi, itu pora hi apuni laga swarg te thaki kene mahima kurib laga rasta khubo.

Aji bhabna kuribole laga pobitro kotha tu hoile Isaiah 35:10 jehovah pora bachai diya khan hosa pora ahib, aru khushi pora gana kuri kene zionte ahibo. Tai khan laga math ate kitya bi khotom nohobole lagekhushi bhorta thakibo. Tai khan bhal khan sob khushi sob pabo  aru dukh aru digdar khan polai jabo.