Sep 12 – Jitya ami khan mile!

Hebrews 12:9 amikhan itu prithibi laga baba laga gali khai aru amikhan tai ke sonman kure. Tinihoile amikhanlaga pormeshwar babake amikhan kiman bisi manibole lage?

Amikhan laga Isor tai ase jun hi apuni khan ke morom pora shikai. Apuni khan bi tai nishina pobitro hobole nimite, hi tai apuni khan ke shikai. Itu tu apuni khan ke itya laga homoi te khushi nidibo pare. Hoilebi itu aha laga homoi te apuni khan bujibole paribo. Inika shikai diya pora apuni khan nijor ke hosa hobo paribo aru  shanti te bi thakibole paribo.

Yate inika kun bi parivaar nai jun hi  biya din par kuranai. Pobitro kotha te koi ki bishi din dukh aru biya te bi jaishe sapha manu khan laga majote bi. Apuni khan bhabna kuri thakibo kikile Isor pora apuni khan ke inika biya din diye aru apuni khan laga dushman khan ke uthai dithake.

Pobitro kothate thik pora koi ken ease, Judges 3:2,4  tai Israel laga sob khandan khan ke lorai kuribole hikabo nimite hi inika kori ase, asol kori kene tai khan nimite junkhan poila kitya bi lorai te janai. Israel laga manukhan ke tai khan laga khandan laga baba moses laga hath pora Isor juntu niom khan dise taikhan itu khan ke manibo namanibo, itu janibo nimite itukhan sob Israel laga manu khan nimite ekta porikha ase.

Itu pobitro kotha te likhi  thaka amikhan inika buje ki dushman khan ke piche te rakhe, kile koile Israel laga bacha khan ke lorai hikabole. Aru dusrabar te itu likhi ase ki apunikhan laga dushman ke uthibole diye kile koile, apuni laga porikha lobule. Jitya apuni digdar te thake, prathana kuribi Isor ke ki tai apuni laga lorai laribole aru tai laga hosa tu apuni karone mangibi. Jeremiah 33:3 amike matibi aru ami a[uni ke jawab dibo; ami apuni ke achurit achurit kotha khan kobo junkhan apuni ikubi najane.

Amikhan kitya bi bhabna kuribo nalge ki Isor pora amikhan laga dukh sob ekbar pora khotom kuri dibo aru amikhan kitya bi dukh nathakibo. Amikhan hodai din hi dukh khan tu pabole ase. Amikhan inika bi din lok pai jite ekta dukh laga piche aru ekta dukh ahe. Itu homoi te apuni khan tu hikibole pai ki kinika itu khan ke par kuribo Isor ke loi kene.

Psalms 144:1 amike bachai kene rakhia laga Jehovah lagan am ke uncha koribi! Tai amike lorai nimite tayari korikene amike lorai te loi jai.

Oh Isor laga bacha khan, jitya a puni khan itu dukh ke par kuribole hikibo apuni nijor hi jiti jabo. Aru jitya apuni laga porikha hobo apuni itu ke bi Isor lagan am te par kuribo paribo.

Aji bhabna kuribole laga pobitro kotha tu hoile, rev 22;11,12  jun biya ase tai biya kurithakibo, un moila ase tai moila hi kori thakibo; jun bhal ase tai bhal hi kori thakibo aru jun pobitro aase tai pobitro hi hoi kene thakibo. Hunibi Jisu koise, ami bishi joldi ahibole ase ami logote ami inam khan ke anibo  aru kun kinika kam kuri ase ami tai ke inika hi inam dibo.