Sep 12 – ANGAN ANLEN SANABDRIN DELAI!

“Bar janang d’ongdage u’a-lenji d’ong-len absatang-hanang-tzdlalen, do anlen aninji a d’ong adpemenglabe; Aninji saring osantan Janggardanji a U’an a banadtur lingan a m’engben asan karraloge addakunabe po?” (Ebri 12:9).

Kitungle tanimyiman batte hanghanglangten. Amben manarid-lingan a hanaben asan, hangdrangben abmele hanghangbente. Kan ate nami pede man’oihan adhange. Bindo amben agalamte angate kun ayaman yirtai. Kan ambrij a hananghang bangsa hangdrangan do abhanalangten dernagodba do sanabyun.

Enegoi birindanji orde Kitungan a badloyim-marji, buteja agassa danuka-lingan adyiradji gamle. Bibolan janang gadlamlangten dernamaranji adanuka. Amben pede ogandele agijte iten asan Kitungan danukagod-lingan saring orungbente orde asangem-maranji iten asan mang-ling-ben abtengte.

Bibolan gamte: “Do Israel a dile arsangkud maranji a d’ong ayengan a Israel maranji sanun apsele aggoiadji, aninji apsele hanangan a tiyben asan Anin kanate lumeten. Itente a banaihberan Gamangtungan Mojes batte aninji a jujunji a d’ong tiyeten, antate Israelanji manneteji orde ijja a galamben asan, Gamangtungan kan bzgarda jatti maranji batte aninji a d’ong tungjengeten” (Bitsara 3:2, 4).

Lanangkan a kardanji saring,  anlen galamlabe aparamangtan-lingan, asangem-maranji sandunglaji Israel aonanji ogandeleji anabs’idban yirtaji gamle. Anab bagu-lingan, asangem-maranji a d’ong anordin tiyeten anten asan aninji daina hangleji. Angate amben kanalkal-lingan ayirte Kitungan amangba garbernaba. Garberba, garberan batte kuddub kanalkalan sagaile manaridan manglingben yirtai. Jisu gamete: “Aman mangba-Hen garbera, etteden Hen d’ong-nam jalangtam, bar aman aggalamen a surda do jaru beran Hen d’ong-nam gadlamtai” (Jirimiya 33:3).

Anlen agajaogandele araptibe Kitungle kuddub kanalkalanji abobardikan sakgaile anuran amandrengna tiylante. Anlen kanalkal-lingan saring yirtabe mandrengna-lingan. tangboi tangboi kanalkalanji yirtai mandrengna-lingan. enegoi kan ate aboi aboi ayirtaih ate, kanalkalan asomudrolingan saring. Kan ate aboi anabhanghangana aman apsele, ateng anabkalkalanji anordin tiyte Kitungan mandrengnalingan.

Kan ate aboi abraduben do hangnaben apsele. Daudo gamte: “Gamangtungan a d’ong sanensenan de-ete! Anin Areng-hen, Anin a sanunaben asan s’i-hen hanghangte, do sanun apsele a oskainaben asan ondersi-henji hanghangte” (Sanenken 144:1). ‘s’i-hen’ agaramgam, gadlamte baralen do alumleji. ‘ondersi-henji’ gamlenden lanumlingan alumte ate.

Tanahimdam Kitungan a onagji, amben asanunaben abmele kanalkal-lingan hangnaben dete, amben daina a hangben aitsumtepo. Angate tanunjing-lingan agalute, daina hangle Kitungan abmele atanangtepo.

Okiy Kinolbe absele: “Butete roitaddam anin okij roitaddam de-ete, bar butente mariddam anin okij mariddam de-ete, Gijba, Hen umengle yertai…” (Anabpungge 22:11 & 12).