Sep 09 – KITUNGAN, GANABDELMAR!

“Aparamangtan Kitungan riangan do ordaran gabdeleten” (Aparamangtan 1:1).

Kitungle Kuddub ganabdel Kitungan. Do anlen janang anin aganabdelan-na. Nami janang, ranapti ganabdel Kitungle admanga’ad. Anin amben abmele etedele-janang gabdelte, bangsagam.

Kitungan riangan do ordaran gabdel-le do ruangan a pisirdiaji ja gabdele, aberna appaile. “Ante saring Kitungan gameten, Paledamte; Seletten paledle.” (Aparamangtan 1:3). Okij Kitungan gamete, “Antatiki Kitungan gameten, Agaban do bzgarda bzgrdan uabbaianji bar jabmolan a janab dile a j’oten a nebanji, ordaran a labo lingan padabete, gameten asan ettegoi na dele. (Aparamangtan 1:11).

Bindo Kitungan agante mandran a d’ong gabdele, bo bzgarda-dage gabdele. Aparamangtan 2:7 lingan, kznol-labenden Kitungan arardisolan saring mandran a d’ong sabjale, do a bunggamu lingan umpedan umpadle, mandrengnan a tanongyim ranggen amganeten; seletten mandran am’eng pwrardan  dele. Kuddubranapti Kitungan aberna batte kuddub janaban sabjale, amukan do anin ambrij sabjalaiten do Anin dele Ruanglen a Uan.

Kitungan amben aganabdelemar, Anin amben ad’ong sagalte, amben amukkan ambrij ganabdelan adelen. Amben agaja aogandidong agabdel ranapti takudte, abo tagoran ruangan do ordaran ganabdelan dele.

Anin Mannah appailai Israel a pasijanji amangba agante aninji hanagodlingan dakuleji. Mannah abo ganaga pisirdianji abmele ruang-lingan do anin sabjale do apailai apasijanji amangba. Agante aninji jelun ajumben itsumleji, anin sabjale guditidanji do appaite Israel maranji amangba. Yangan moloi ajar amandranji a d’ong moloi rutipun do bagu ayon batte tiyjum-meten? Kun ayam-linga miygal turdu lagule? Kan ate Kitungle raptiganabdelanji batte.

Kitungan janang Jonas amang-ling asutumle, ayengan auggar-ling aldungle. “Ante saring Gamangtungan aboi kokaru lamna-neban adpaddable; bar Anin Jonas a danukkan saring a babyeben asan anin a b’oban a langka kun lamnan madrangle, yante gamle Jonas boiboi m’oihdale” (Jonas 4:6). Jonas agobaeten yangam aboi abaiyan dakule; lanumu apangben yangam aboi aneban marangle do ababan sayu abmele. Kan ate Kitungle raptiganabdelanji batte.

Okiy Kinolbe absele: “Iten asan gamlenden Ganardz Mar-nam tanongba-nam daku; kuduai kuduaianji a Gamangtung Anin ahiman; Bar Israel a Marid Mar, Tanandz Mar-nam daku; kuddub ordaran a Kitung gamle Anin panemengan dete” (Jisaya 54:5).