Sep 04 – ISWARGA INGTHANA LEIBA!

“Maram aduna eikhoibu thajabagi mapanna  chumhanbirabanina, eikhoigi Ibungo Jesu Christagi mapanna  eikhoi Iswarga ingthana leire.” (Romans 5:1)

Iswarga ingthana leiba haibasi tasengna maipaklaba punshigi mahao amani. Nahakna Iswarga  chamthoknaraga ingthana leiba matamda atoppa awaba khudingmaktu ludrabani.  Eikhoi Iswarga karamna ingthana leiba ngamgani? Christagi mapanna eikhoina Iswarga ingthana leiba ngamgani.

Mi ani khatnaba matamda atoppa mi amaduna makhoi anigi marakta ingthaba puraknabagi damakta hotnaba haibasi mahousani. Madugumlaba mi aduna imung amadi society gi manungda nungshi channana leiba gi lipun purakpa ngamgani. Madugumba mi adu ingthaba puraknabagi damakta yamna maru oibani.

Iswarga ingthana leiba yanabagi damakta nahakna nahakki papsinggi maramda pukning honglaga pap haidokle hairaga Iswarda kokpinabagi damakta haijagadabani. Pap sing adu karamna kokpigani? Ee tadana pap kokpiba leite haina iduna leiri. Maram aduna nahakki pap tagi sengdokpinaba Jesu Christana Calvary Cross ta mahakki ee sintharaga sikhibani.

Amuk chamthoknaba amadi ingthaba purakpa yanabagi damakta Jesu Christa asi Ipa Iswarga eikhoigi marakta taisinnabiba mapu aduni. Pap chamthokpikhraba mising adu mahakna Iswargi thoujangi phambal mapham tanna chingbi. Aduga mamal yamlaba mahakki ee aduna Iswarga eikhoigi irakta ingthaba adu pubirakle.

Masina Martin Luther King gi punshida ahongba purakpani. Ngallingei matamda Achumba wayenba mapu adu Ipa Iswar khakta ni haina yengduna leirambani. Adubu mahakna Christa asi taisinnabiba mapu aduni haiba khanglakpada amasung mahakki wasak, “ dharmachenba mi aduna thajabagi mapanna hinggani” haiba  asi tabada mahakna hainingai leitana  haraojakhi.

Iswarga eikhoigi marakta samnahanba thong adu Jesu Christa ni. Ching ani adubu samnahanba thonggumbani. Nungshiba Iswargi machasing,Jesu Christagi eegi mapanna eikhoi Iswarga ingthana leirabani haibasi eikhoi khangminnasi.

Dhyan tougadaba: “Maduda natte,adubu eikhoigi Ibungo Jesu Christagi mapanna eikhoina Iswarda haraojei,Jesu Christagi mapanna houjik eikhoina taisinnabiba phangjei.” (Romans 5:11)