Sep 03 – DHARTHIPER SAMADHAN

Luka 2:14 ‘Sethi Vuncher Devena mahiman, dharthima Vor husser Manikyaper samadhan ved kan keyn Deven mahima kide’.

Dharthiper samadhan renu ken kelero manikyaan yekkaj konthi lapan Dever sojan sada vuj asa cha. Yesu Christhu Pedavojanna sojavo Asmanema gollavariyan dikhathani ‘Dharthiper samadhan veda’ ken aacho khabaren key.

Aaj thodsek vagath ‘DHARTHIPER SAMADHAN’ bage dhyaan kara. Ved vachan kacha( Yesaya 11:6_8) ‘Bhediya gorllir vacha vasachaCheeta jaanvar chelir peela kann sojavacha Kelda sinkos ann palamelejako balad yek jaag bhalan rajanna nankyas chora hunden dalkaracha Gaavdi ann kaldi doy bhalan characha Hunder chachabar bhalan yekkaj jaag sojavacha Balad charaju sinkos sada khad khavacha.  Dood piyevaal chori naagsaper bommayi kan ramlacha Dood chodmeli jako chori mot nagsaper bommayma haath ghalacha’. Assa vaathen samalajanna kenthoy dallema khushi benikay? Vu kathra achanak ann anandmero vaath vencha kunike.

Yek daad Shanthin prem karevaal desheper laday marnuken ajjek deshevaal vutan aaye. Sinyamer Adhipathivun sen yek hakkam demelethe kaikatho tham vo deshema chajako admisen marnaken angar ghaalnako, vu Vaath lelen vo deshema taang melesath vo  Shanthin prem karevaal darvaja vogadan aavo ken chachabarethi vateper pool nakan swagath kide. Yee preethir Swagathen dekhan vo sainik sey achanakethi dallema Khuseen palen nankya chachabaren padan bakdi bharlen choom thanu vo Kaivaasu ayeko vonboolan, hamma abbethethi thamar desheper laday marena kannai amani kethanu Shanthithi hoto dagarge.

Apaner Yesu baapu  Vor saari preethin jagen Dekhalevaasu ye dharthiper vutharan aayo. Yesu yek gaaleper marejen ajjek gaalen sada dekhalo. Yesu baapu vaireevun kukan prem karnuko Vor jeevanema ye dharthiper Maalamkidoch. Yesur preethi dharthiper samadhan laayiju dekhacha. Yekhapthi thaar dallema Shanthin devalo Raj ven chajako Yesu Christhun jaag dedastho thu sada thaar dallema puro Shanthin payechi. Assa shanthi thar katmalen bharan gharemathi deshema jaan vothethi saari jagen phelavacha.

Maar premer Dever beti betavo dharthiper samadhan renu ken vinanthin karlo. Shanthin devalo Raj Yesu Christhun doosaren malam karo. Janna thamen seni Soganethi vachanema kemeloju,’ Raaji karevaal Nasheebdhar’.

Ajji jada dhyan karevaasu; Ephesivalun 1:2 Apaner Baap Devethin Prabhu Yesu Christhuthi thamena krupan, samadhan ved.